Fótbolti.net

Jökull: Þeir voru frábærir - Við áttum kannski ekkert skilið úr þessum leik

Hetja HK kíkir ekkert niður í bæ: Ekkert mikið að gera þar miðað við í London

Hrannar Bogi eftir hetjulega frammistöðu Augnabliks: Við nálgumst leiki alltaf alveg eins

Fékk afmælisgjöf fyrir leikinn: Ég fékk Þróttaratrefil og nokkrar Stellur

Nýir tímar í Laugardalnum - „Finnst bara tilvalið að með því fylgi nýtt merki“

Haukur Páll: Ekki spurning um að koma mönnum fyrir

Heimir Guðjóns: Hefði verið gult spjald í fyrra

Gylfi Þór: Skrítið að spila gegn liði sem ég var hjá í 10 ár

Úlli: Fékk held ég nóg af liðsfélögum sínum

Bjarni Jó: Nýttum færin okkar illa

Gunnar Magnús: Alsæll þrátt fyrir að það hafi endað í jafntefli

Ólafur Kristjáns: Ekki hægt að gera neitt við því núna

Kristján Guðmunds: Munum rífa okkur í gang eftir þetta

John Andrews: Gæti ekki verið stoltari

Nik: Vigdís hefur staðið sig vel sem framherji

Glenn: Komum hingað með því hugarfari að vinna leikinn

Vigdís Lilja: Ætla að spila frammi í sumar og skora eins mikið og ég get

Sáttur Arnar Gunnlaugs: Erum að senda ágæt skilaboð til liðanna í deildinni

Höskuldur brattur eftir leik: Maður verður að jafna sig hratt á þessu

Elskar stóru leikina - „Vona að fólk viti að þeir kitla mig.“

lau 04. júlí 2020 17:23

Stefán Marteinn Ólafsson

Gústi Gylfa: Við erum ekkert að fylgjast með umfjöllun um okkur

Gústi Gylfa þjálfari Gróttu

Mynd: Fótbolti.net - Eyjólfur Garðarsson

Grótta fengu HK-inga í heimsókn á Vivaldi völlinn í bráðskemmtilegum leik þegar 4.umferð Pepsi Max deild karla hélt áfram. Grótta hafði fyrir leik ekki komist á blað í Pepsi Max deildinni en það átti svo sannarlega eftir að breytast í dag þegar þeir gerðu stórskemmtilegt 4-4 jafntefli við HK.

„Það er margt hægt að segja en að finna eitthvað ákveðið er erfitt en við getum byrjað á því að við skorum 2 mörk hérna í fyrri hálfleik, frábær mörk og vorum svolítið með leikinn í okkar hendi en fáum á okkur víti og rautt spjald og það riðlar aðeins leiknum og við fórum aðeins í skotgrafir og annað, hleypum þeim inn í þetta, í seinni hálfleik þá skora þeir fljótlega á okkur 2-2 en við sýnum gríðarlega mikinn karakter og setjum 2 frábær mörk á þá, bæði skyndisókn og föstu leikatriði, gríðarlega ánægður með það en svo var þetta bara erfitt, mikil vinnusemi í mínum strákum og frábær stuðningur en þeir komast inn í leikinn og jafna þetta 4-4." Sagði Ágúst Gylfason þjálfari Gróttu eftir leik.

Lestu um leikinn: Grótta 4 - 4 HK

Gróttumenn komust tvisvar sinnum yfir í leiknum en töpuðu því niður og því var það kannski súrsætt stigið sem þeir fengu úr því sem komið var.
„Við vorum með leikinn alveg í okkar höndum og að fá vítið á sig og rauða spjaldið riðlar þessu öllu en gerir það að verkum að leikurinn riðlast og verður mikið af færum og mörkum og svona action í þessu sem skilar okkur þessu eina stigi en auðvitað áttum við að taka þrjú stig og halda öllum inni á vellinum, það hefði verið betra."

„Hellingur til að byggja ofan á, Grótta er að fá sín fyrstu stig í úrvalsldeild og sín fyrstu mörk 4 mörk og við tökum það með okkur og tökum með okkur stuðningsmennina sem voru frábærir upp í Grafarvog á miðvikudaginn og við þurfum að vera með góða vinnusemi og þessi gæði í liðinu sem við sýndum á köflum, það er það sem þarf að halda áfram og taka með okkur í næstu leiki."

Mikið hefur verið rætt og ritað um meint markaleysi Gróttu í upphafi móts og einhverjir gárungar jafnvel getið það langt að veðja á ekkert mark fyrir verslunarmannahelgi en Gústi vildi ekki meina að það hafi haft einhver áhrif á liðið sitt.
„Nei, við erum ekkert að fylgjast með umfjöllun um okkur, það bara skemmir og við erum bara að einblína að okkur sjálfum."