„Tilfinningin er frábær og þetta var mjög ljúft. Stoltur af strákunum þó að fyrri hálfleikur hafi ekki verið neitt sérstakur. Við svörðum markinu í byrjun og það var vel gert. Í seinni hálfleik verðskulduðum við að vinna leikinn. Heilt yfir var þetta sanngjarnt." Segir Magnús Már Einarsson þjálfari Aftureldingar eftir sigur sinna manna 2-1 gegn Kórdrengjum í kvöld.
Lestu um leikinn: Afturelding 2 - 1 Kórdrengir
LIðin mættust einnig í bikarnum fyrir stuttu og var þá niðurstaðan á hinn veginn. Magnús Már var ánægður að bæta upp fyrir bikartapið.
„Ég er ánægður en þetta er nýr fótboltaleikur og ný vika. Við vorum svekktir eftir bikarleikinn. Við vildum fá meira út úr honum en ég er ánægður með strákana þetta var frábært hvernig við stjórnuðum leiknum í lokin og héldum boltanum vel."
Afturelding er á góðu skriði eftir erfiða byrjun og hóta því nú að blanda sér í toppbaráttuna.
„ Við spiluðum vel í byrjun líka en þá vantaði mörkin en núna eru þau að koma og það skilar sér í fleiri stigum. Spilamennskan hefur verið góð í sumar og núna erum víð á uppleið. Við verðum betri með hverri viku. Ég er spenntur fyrir framhaldinu og auðvitað er mun skemmtilegra að vinna fótboltaleiki."
Viðtalið er í heild sinn hér að ofan.
Athugasemdir
