Einar Örn Jónsson, íþróttafréttamaður á RÚV, er spenntur fyrir komandi leikjum Íslands í undankeppni EM 2020.

Strákarnir okkar fá Moldóvu í heimsókn og fljúga svo til Albaníu. Einar Örn segir gríðarlega mikilvægt að ná í sex stig til að geta haldið áfram að berjast við Tyrki og Frakka í toppbaráttunni.

„Mér líst nokkuð vel á þennan leik. Miðað við það sem maður hefur lesið og séð af þessu liði þá ætti það ekki að vera á sama plani og okkar menn," sagði Einar.

„Það er mjög mikilvægt að ná í sex stig í þessum glugga og koma sér í góða stöðu fyrir þessa síðustu fjóra leiki sem verða rosalega erfiðir."

Einar var spurður út í líklegt byrjunarlið fyrir leikinn gegn Moldóvu og lýsti nokkuð hefðbundnu liði. Hannes, Hjörtur, Kári, Ragnar, Ari Freyr, Emil, Aron Einar, Birkir, Gylfi, Jón Daði, Kolbeinn.

„Ef þú spyrð mig aftur eftir korter þá muntu fá aðra útgáfu.

„Þetta er lið sem er 140 sætum fyrir neðan okkur á heimslistanum. Við Íslendingar eigum það til að falla í þá gildru að vera aldrei nógu stórir fyrir sjálfa okkur. Stundum þurfum við líka bara að setja kassann út í loftið og segja 'þetta er bara lið sem við eigum að vinna og allt annað er stórslys'."

Tweet

Senda a Facebook Hafdu samband Senda frétt Prenta frétt Frétta leit