Birkir fagnar marki sínu í dag.
Birkir Bjarnason skoraði annað mark Íslands í dag þegar að Moldóva kom í heimsókn á Laugardalsvöllinn í undankeppni Evrópumótsins 2020.
„Það er mikilvægt að fá þrjú stig. Við byrjuðum illa fyrstu tíu mínúturnar en náum svo að róa okkur aðeins og halda boltanum betur. Það var frábært að fá markið í fyrri hálfleik og svo spilum við meira "professional" í seinni hálfleik." sagði Birkir eftir leikinn í dag.
„Það er mikilvægt að fá þrjú stig. Við byrjuðum illa fyrstu tíu mínúturnar en náum svo að róa okkur aðeins og halda boltanum betur. Það var frábært að fá markið í fyrri hálfleik og svo spilum við meira "professional" í seinni hálfleik." sagði Birkir eftir leikinn í dag.
Lestu um leikinn: Ísland 3 - 0 Moldóva
Birkir er sem stendur án félags eftir að hafa yfirgefið enska úrvalsdeildarliðið Aston Villa í sumar. Telur hann spilamennskuna í dag hafa áhrif á framhaldið hjá sér?
„Jújú. Ég geri mitt besta þegar að ég fæ tækifærið. Ég var búinn að ákveða að einbeita mér af þessu verkefni og svo sjáum við bara til hvað gerist eftir það."
Íslenska liðið hefur unnið fjóra af fyrstu fimm leikjum sínum í undankeppninni og eru sem stendur á toppi riðilsins. Frakkland og Tyrkland geta hins vegar jafnað Ísland af stigum sigri þau sína leiki í dag.
„Við erum bjartsýnir. Þetta var erfitt gegn Frökkum úti en að öðru leyti höfum við spilað gríðarlega vel og sótt stig. Við höldum bara áfram og sjáum hvar það skilar okkur í lokin." sagði Birkir að lokum.
Nánar er rætt við Birki í spilaranum að ofan.
