„Það ætlast allir til í þessari stöðu að við vinnum svona leiki. Það er engu að síður erfitt. Að vinna 3-0 eru frábær úrslit," sagði varnarmaðurinn Kári Árnason eftir sigur á Moldóvu í undankeppni EM 2020 í kvöld.

Lestu um leikinn: Ísland 3 -  0 Moldóva

„Við byrjuðum mjög illa fyrstu 10 mínúturnar. Það var kannski eitthvað ryð í mönnum. Þeir sýndu að þeir eru hættulegir, í föstum leikatriðum og svona, án þess að skapa sér eitthvað færi. Svo spýttum við í lófana."

Níu af 11 leikmönnum í byrjunarliðinu í dag spiluðu alla leiki á EM 2016.

„Það er nóg eftir af tanknum hjá flestum. Af hverju að breyta vinningsliði?"

Kári leikur með Víkingum í Pepsi Max-deildinni. Hvernig er það að koma úr Pepsi Max-deildinni í þetta verkefni?

„Þetta er allt annað dæmi. Ég er búinn að spila lengi með þessu liði. Maður leggur sig auðvitað 100% í allt sem maður gerir, en þetta er öðruvísi. Ég er með 100% á hreinu hvað ég þarf að gera fyrir liðið og ég veit hvað ég þarf að gera til þess að ná því fram," sagði Kári.

Viðtalið er hér að ofan.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit