Elmar Kári.
„Frábært að vinna hérna, ógeðlega erfitt að koma á þennan völl og sækja sigra, það er mikil barátta í Skagamönnum og erfitt að vinna þá. Ég er mjög sáttur og strákarnir sáttir líka," sagði Elmar Kári Enesson Cogic, leikmaður Aftureldingar, eftir sigur á ÍA í Mjólkurbikarnum í kvöld.
Afturelding tapaði síðasta leik á undan, 2-0, á Ísafirði á laugardag.
Afturelding tapaði síðasta leik á undan, 2-0, á Ísafirði á laugardag.
Lestu um leikinn: ÍA 0 - 1 Afturelding
„Okkur langar að gera vel í bikar, það er ákveðin hvatning. Þegar þú tapar leikjum á leiðinlegan hátt eins og síðast þá viltu sækja fleiri sigra og við mættum bara með allt annað hugarfar inn í þennan leik."
Elmar Kári er kominn á fullt eftir að hafa glímt við meiðsli í aðdraganda mótsins. Hvernig er að spila fyrir uppeldisfélagið á stærsta sviðinu?
„Ógeðslega gaman, draumur að fá þann heiður að taka þátt í þessu verkefni með öllum strákunum, frábærum þjálfurum og í frábærri umgjörð. Ég gæti ekki verið sáttari."
Aftureldin er með sjö stig eftir sex umferðir í Bestu deildinni og liðið er komið í 8-liða úrslitin í Mjólkurbikanum. Hvernig finnst þér þetta fara af stað, eigið þið heima á stærsta sviðinu?
„Mér finnst það klárlega og við höfum allir trú á því. Við þurfum bara að halda áfram að gera vel í deildinni. Ef við höldum áfram að spila eins og við höfum gert upp á síðkastið, og reynum að verða stöðugri í okkar leik, þá eru allir vegir færir. Ég hef bara fulla trú á þessu," sagði Elmar Kári.
Athugasemdir
