„Við nálgumst þennan leik eins og hvern annan, en við gerum okkur fulla grein fyrir því hvað er undir," segir landsliðsmiðvörðurinn Kári Árnason fyrir leik Víkinga gegn Breiðablik í undanúrslitum Mjólkurbikarsins í kvöld.

Það má búast við mikill stemningu á Víkingsvelli í kvöld, en leikurinn hefst 19:15 og verður undir flóðljósunum.

„Við ætlum í úrslitaleikinn og höfum talað um það lengi. Það er mikil tilhlökkun," segir Kári.

Víkingar fóru síðast í bikarúrslit 1971 og það var einmitt úrslitaleikur gegn Blikum þar sem leikar enduðu 1-0 fyrir Víking.

„Þetta er stórleikur í sögu Víkings og vonandi verða úrslitin eftir því. Það voru enn 11 ár í að ég fæddist (þegar Víkingur fór síðast í úrslit) og það er kominn tími á að við komumst aftur í úrslit."

Kári spilaði síðasta leik á miðjunni. Er það möguleiki í kvöld?

„Það verður bara að koma í ljós. Ég sagði við Arnar (Gunnlaugsson, þjálfara Víkings) að það væri möguleiki þegar ég kom til liðsins. Ég er betri hafsent og ég held að það viti allir á landinu. Engu að síður er ég ekki í leit að frægð og frama, ég er að spila fyrir Víking og ef Arnar telur að það hjálpi liðinu, þá er ég meira en klár í það."

Viðtalið er í heild sinni hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit