Halldór Árnason aðstoðarþjálfari Gróttu var að vonum himinlifandi með að hafa fengið öll þrjú stigin eftir 1-0 útisigur liðsins á Þrótti í Laugardalnum í kvöld.

Heil umferð fór fram í Inkasso-deildinni en Grótta situr í 2. sæti deildarinnar eftir tólf umferðir.

Lestu um leikinn: Þróttur R. 0 -  1 Grótta

„Við höfum átt betri leiki. Mér fannst við byrja þetta ágætlega en síðan áttum við í bölvuðu basli með Þróttarana. Mér fannst þeir hrikalega góðir í dag, með mikil einstaklingsgæði og flott lið. Þeir eru með frábært þjálfarateymi og maður finnur að liðið er að komast í betra stand og annað. Þeir eru hrikalega góðir," sagði Halldór í viðtali eftir leik.

Það var fátt sem benti til þess að Grótta væri að fara skora þeir þeir fengu vítaspyrnu um miðbik seinni hálfleiks þar sem sigurmarkið kom. Eftir það lögðust Grótta vel til baka og þétturaðirnir og gáfu fá færi á sér.

„Þetta er sennilega með einum erfiðari leikjum sem við höfum spilað í sumar. Þetta er kannski í fyrsta skipti sem manni finnst við pínulítið hafa stolið þessu."

Viðtalið við Halldór má sjá í sjónvarpinu hér að ofan.

Tweet

Senda a Facebook Hafdu samband Senda frétt Prenta frétt Frétta leit