Þýskaland: Skoraði sturlað mark í átta marka jafntefli

Union Berlin og Stuttgart áttust við í ótrúlegum leik í þýsku deildinni í kvöld.

Union Berlin náði tveggja marka forystu en Stuttgart skoraði tvö mörk á sex mínútna kafla og staðan var orðin jöfn eftir hálftíma leik.

Leopold Querfeld skoraði svo þriðja markið fyrir Union en það var af dýrari gerðinni. Skot lengst utan af velli og boltinn söng í netinu. Í kjölfarið skiptust liðin á að skora og staðan var 4-4 í hálfleik.

Eftir mikla veislu í fyrri hálfleik róaðist þetta niður í seinni og fleiri mörk urðu ekki skoruð. Stuttgart er í 11. sæti með 41 stig eftir 30 umferðir og Union er í 13. sæti með 35 stig.

Sjáðu mark Querfeld hér