„Bara hundsvekktur. Við vildum klára þetta mót með bikar og enda sumarið þannig en mér fannst frammistaðan í dag ekki verðskulda það þannig að svekktur með að vinna ekki deildinna og svekktur með hvernig við spiluðum í dag.“

Sagði Albert Brynjar Ingason leikmaður Fjölnis við fréttaritara Fótbolta.net eftir tap liðsins gegn Keflavík í dag.

Lestu um leikinn: Keflavík 1 -  0 Fjölnir

Fjölnir hefur setið óslitið á toppi deildarinnar síðan í lok júní þegar að leikjum dagsins kom sem gerir hlutina jafnvel enn meira svekkjandi fyrir Albert og félaga?

„Í síðustu tveimur leikjum er spennustigið hjá okkur búið að vera of hátt. Við erum með ungt lið og mér finnst þessar frammistöður hjá okkur í síðustu leikjum stýrast svolítið af spennustiginu og við náum ekki alveg að anda og spila okkar leik.“

Albert færði sig um set síðasta vetur og niður um deild þegar hann gekk til liðs við Fjölni frá Fylki. Ætlar hann með Fjölni upp í Pepsi Max deildina?

„Ég veit það ekki. Bara heiðarlegt svar. Ég ætlaði bara að klára þennan leik og vonast til þess að fagna því með Fjölnisliðinu með bikar og láta daginn í dag og næstu daga ekki snúast um neitt annað en bara fagna því sem við höfum afrekað í sumar. En ég ætla að taka mér tíma út allavega september og hugsa hvað ég geri.“

Sagði Albert Brynjar Ingason en allt viðtalið má sjá hér að ofan

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit