Fótbolti.net

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

„Segir ekki nei þegar Víkingur vill fá þig“

„Viljum ekki fylla í hópinn bara með hveiti heldur þurfum við einhver krydd“

Gummi Magg: Erum mættir til að skrifa söguna

Böddi um skiptin óvæntu: Var ekki í tilfinningalegu jafnvægi

Arnór Gauti: Mun aldrei gleyma lokaflautinu á Laugardalsvelli

Sameiningaviðræður ÍR og Leiknis: Sumir láta hreinlega tilfinningarnar ráða

Gylfi Tryggva: Höfum sótt einn leikmann innanlands og það var landsliðsmaður

Óskar Smári: Klúbburinn hefur þróast í rétta átt

Markadrottningin komin heim: Voru möguleikar úti en Breiðablik besti kosturinn

Bragi Karl: Var ekki í hlutverkinu sem ég vildi vera í

Ingi Þór: Engir grínleikmenn að spila í minni stöðu hjá ÍA

„Fór í viðræður við fullt af klúbbum"

Atvinnumaðurinn Logi Tómasson - Þriðji hluti

Atvinnumaðurinn Logi Tómasson - Annar hluti

Atvinnumaðurinn Logi Tómasson - Fyrsti hluti

Fékk Skagaelítuna á bakið - „Eflaust brotið einhver hjörtu hefði ég ekki komið“

Tekur við eftir að leikmenn neituðu að spila fyrir félagið

Lítur fyrst og fremst á sig sem Norðmann - „Mig langar bara að vinna"

fim 23. mars 2023 23:03

Sæbjörn Þór Þórbergsson Steinke

Rúnar Alex: Hefur ekkert með uppleggið hjá þjálfurunum að gera

Komnir ofan í holu og tókst ekki að komast upp úr henni

Úr leiknum í kvöld.

Mynd: Fótbolti.net - Hafliði Breiðfjörð

„Svekktur, þetta var ekki góð byrjun hjá okkur, hittum ekki á dagsformið og gerum meiri kröfur á okkur sjálfa. Leiðinlegt að geta farið héðan með einhver stig," sagði Rúnar Alex, besti leikmaður Íslands, eftir 3-0 tap í Bosníu í kvöld.

Lestu um leikinn: Bosnía og Hersegóvína 3 - 0 Ísland

„Ég er alveg sammála því, á fyrstu 5-10 mínútunum eru komin nokkur færi þar sem ég þarf að hjálpa liðinu. Svo skora þeir grísamark, kannski á morgun eða hinn hefði þetta farið í varnarmann eða mig og í burtu. Þá væri þetta annar leikur. Þeir skora og þá er þetta hola sem við erum komnir ofan í og náum ekki að grafa okkur upp úr henni aftur."

Rúnari fannst liðið leita full lengi í löngu boltana. „Uppleggið var að vera öruggir fyrstu 10-15 mínúturnar og ætluðum að fara í langa bolta sem er skynsamlegt. En við sem lið hefðum átt að reyna spila aðeins meira aðeins fyrr og koma okkar færustu fótboltamönnum meira inn í leikinn. Það er erfitt fyrri góða fótboltamenn að vera bara að berjast. Það hefur ekkert með uppleggið hjá þjálfarateyminu að gera, bara við sem eigum að gera betur í því að koma þeim (færustu leikmönnunum) inn í leikinn."

„Það sést í seinni hálfleik, auðvitað eru þeir búnir að leggjast djúpt, en við höfum gæði til að stríða þeim. Við erum bara alltof seinir að byrja gera það."

Rúnar segir að andinn í klefanum hafi verið súr. „Við vitum að getum gert miklu betur, setjum miklar kröfur á okkur og viljum gera betur. Við viljum standa okkur vel til að búa til stemningu í kringum okkur. Það byrjar hjá okkur inná vellinum. Það er súrt að geta ekki byrjað undankeppni á annan hátt en að tapa 3-0. Auðvitað er þetta erfiður útivöllur en við komum hingað með það markmið að fá stig."

Markvörðurinn er ekki á því að þetta sé högg á trúna á að fara upp úr riðlinum. „Alls ekki, þetta var alltaf að fara verða erfiður leikur. Ef við vinnum fjóra leiki á heimavelli og tvo á útivelli þá erum við komnir með þessi átján stig sem við þurfum. Það eru ennþá níu leikir eftir, fimm af þeim heima," sagði Rúnar Alex að lokum.