Jökull Ingason Elísabetarson var stoltur af sínum strákum í Augnablik sem spiluðu gegn Lengjudeildarliði Fjölnis fyrr í kvöld.

Fjölnir sigraði leikinn 4-1 og er komið áfram í bikarnum en Augnablik spilaði af miklu hugrekki og lét ekki sjá á sér að þeir væru tveimur deildum fyrir neðan Fjölnismenn.

Lestu um leikinn: Augnablik 1 -  4 Fjölnir

„Ég er stoltur af þeim, fannst við spila góðan fótbolta og lögðum mikið í þetta. Það svona skildi á milli í teigunum, hefði viljað sjá okkur reyna oftar á markið, skjóta meira, svo held ég að við séum allir frekar svekktir með mörkin sem við fáum á okkur.''

„Maður var búinn að vera spenntur, ég hafði fulla trú á að við gætum spilað okkar leik á móti þeim, ég held að mörkin hafi ekki komið á okkur útaf því að við spiluðum okkar bolta, það voru bara gæði í Fjölnisliðinu sem að skilja á milli.

Kom aldrei til greina að þétta raðirnar og liggja til baka?

„Maður náttúrulega hugsar út í allt, það eru þessir tveir möguleikar, að falla niður og sækja hratt eða sækja en við vorum bara sammála um að við vildum gefa þessu sénsinn.''

Viðtalið í heild sinni má sjá í spilaranum hér að ofan en þar ræðir Jökull betur um leikinn, samstarfið við Breiðablik, markmið verkefnisins og hvert þeir stefna með félagið.

Tweet

Senda a Facebook Hafdu samband Senda frétt Prenta frétt Frétta leit