„Þetta var geggjaður leikur og ég er hrikalega stoltur af strákunum, hvernig þeir unnu þetta saman sem öflug liðsheild í dag," sagði Sigurður Ragnar Eyjólfsson, þjálfari Keflavíkur, eftir sigur á Breiðablik í framlengdum leik í Mjólkurbikarnum.

„Við erum að spila við eitt besta lið landsins og ég er gríðarlega stoltur af þeim. Við fögnum þessu og búum okkur undir næsta verkefni."

Lestu um leikinn: Keflavík 2 -  0 Breiðablik

Helgi Þór Jónsson skoraði fyrra mark Keflavíkur, markið sem kom þeim á bragðið. Í raun og veru óvænt hetja enda Helgi ekki oft í umræðunni.

„Það verður gaman að sjá hlaupatölurnar hjá Helga í þessum leik. Hann stóð sig frábærlega og setti hann. Allir í liðinu lögðu sig gríðarlega vel fram."

„Við höfum fengið gagnrýni á okkur fyrri part móts fyrir að fá á okkur mörg mörk, fjögur mörk í leik þrjá leiki í röð. Við höfðum eitthvað að sanna, að við gætum spilað betri varnarleik. Núna í síðustu þremur leikjum höfum við ekki fengið á okkur mark og unnið alla leikina."

Sigurinn í dag byggðist á varnarleik en hægt að horfa á allt viðtalið hér að ofan.

Tweet

Senda a Facebook Hafdu samband Senda frétt Prenta frétt Frétta leit