Bras á karlaliðinu.
Emil Ásmunds er mættur aftur.
Fylkir er í 9. sæti Lengjudeildar kvenna.
Fylki var spáð upp úr Lengjudeildinni í sumar eftir öflugan vetur þar sem liðið fór í úrslti Lengjubikarsins og hélt að lang mestu leyti sínum leikmannahópi frá árinu áður þar sem liðið féll úr Bestu deildinni.
Gengi liðsins hefur ekki verið gott í byrjun móts, liðið er í tíunda sæti með sjö stig eftir níu umferðir. Fylkir tapaði 1-2 gegn HK á föstudagskvöld. Liðið hefur ekki náð að sýna það sem búist var við í deildinni undir stjórn Árna Freys Guðnasonar sem var ráðinn þjálfari liðsins síðasta haust.
Fótbolti.net ræddi við Rangar Pál Bjarnason, formann fótboltadeildar Fylkis, í dag.
Gengi liðsins hefur ekki verið gott í byrjun móts, liðið er í tíunda sæti með sjö stig eftir níu umferðir. Fylkir tapaði 1-2 gegn HK á föstudagskvöld. Liðið hefur ekki náð að sýna það sem búist var við í deildinni undir stjórn Árna Freys Guðnasonar sem var ráðinn þjálfari liðsins síðasta haust.
Fótbolti.net ræddi við Rangar Pál Bjarnason, formann fótboltadeildar Fylkis, í dag.
„Staðan á karlaliðinu í töflunni er alls ekki nógu góð, engan veginn. Það vita allir," segir Ragnar Páll.
„Við erum náttúrulega alltaf í samtali við Árna og alla í kringum liðið, alla daga. Við erum að reyna greina stöðuna og velta öllu við, eins og gengur. Það eru engra frétta að vænta úr Árbænum, ekki í bili," sagði formaðurinn þegar spurt var út í stöðu þjálfarans.
Hvernig finnst þér spilamennska liðsins? Eru teikn á lofti?
„Það er eitthvað sem vantar upp á, það er verið að reyna finna út úr því hvernig er hægt að laga það. Það er ferli sem er í gangi. Það er enginn sáttur við þetta svona, hvorki við, né Árni, leikmenn eða stuðningsmenn."
Tilfinning Ragnars Páls er að ákefðin í liði Fylkis hafi verið meiri í síðustu leikjum en þar á undan. „Aðeins meira að frétta í síðustu leikjum, en það hefur ekki dugað til."
Hann gat leyft sér að gleðjast yfir endurkomu Emils Ásmundssonar á völlinn. „Það er gífurlega gott. Þó að það sé alls ekki það sem við ætlum að skýla okkur á bakvið, meiðsli og svoleiðis, þá munar um allt og alla. Emil er lykilmaður í þessu liði."
Kvennalið Fylkis er líka í brasi, liðið er í 9. sæti Lengjudeildarinnar, í fallsæti eftir að hafa fallið úr Bestu deildinni í fyrra.
„Heilt yfir er staðan á meistaraflokkunum í Fylki ekki góð og við erum að leita allra leiða til að gera eitthvað í því. Það kemur kannski minna á óvart kvennamegin, en við ætluðum samt ekki að vera á þessum stað. Það er bara áfram á hnefunum," segir formaðurinn.
Kvennaliðið á útileik gegn ÍBV á morgun og karlaliðið heimsækir Völsung á Húsavík á laugrdag.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 9 | 5 | 4 | 0 | 12 - 4 | +8 | 19 |
| 2. Njarðvík | 9 | 4 | 5 | 0 | 21 - 9 | +12 | 17 |
| 3. HK | 9 | 5 | 2 | 2 | 17 - 9 | +8 | 17 |
| 4. Þór | 9 | 4 | 2 | 3 | 20 - 17 | +3 | 14 |
| 5. Þróttur R. | 9 | 4 | 2 | 3 | 16 - 15 | +1 | 14 |
| 6. Völsungur | 9 | 4 | 1 | 4 | 15 - 19 | -4 | 13 |
| 7. Keflavík | 8 | 3 | 3 | 2 | 15 - 9 | +6 | 12 |
| 8. Grindavík | 8 | 3 | 2 | 3 | 22 - 19 | +3 | 11 |
| 9. Leiknir R. | 9 | 2 | 2 | 5 | 10 - 22 | -12 | 8 |
| 10. Fylkir | 9 | 1 | 4 | 4 | 10 - 14 | -4 | 7 |
| 11. Fjölnir | 9 | 1 | 3 | 5 | 11 - 19 | -8 | 6 |
| 12. Selfoss | 9 | 2 | 0 | 7 | 6 - 19 | -13 | 6 |
Lengjudeild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 8 | 6 | 1 | 1 | 31 - 6 | +25 | 19 |
| 2. HK | 8 | 6 | 0 | 2 | 21 - 14 | +7 | 18 |
| 3. Grindavík/Njarðvík | 8 | 5 | 1 | 2 | 16 - 10 | +6 | 16 |
| 4. Grótta | 8 | 5 | 0 | 3 | 23 - 14 | +9 | 15 |
| 5. KR | 8 | 4 | 1 | 3 | 19 - 21 | -2 | 13 |
| 6. Keflavík | 8 | 3 | 3 | 2 | 12 - 9 | +3 | 12 |
| 7. Haukar | 8 | 2 | 1 | 5 | 9 - 20 | -11 | 7 |
| 8. ÍA | 8 | 1 | 3 | 4 | 8 - 14 | -6 | 6 |
| 9. Fylkir | 8 | 2 | 0 | 6 | 11 - 19 | -8 | 6 |
| 10. Afturelding | 8 | 1 | 0 | 7 | 3 - 26 | -23 | 3 |
Athugasemdir
