Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

sun 24. september 2023 15:52

Guðmundur Aðalsteinn Ásgeirsson
Düsseldorf

Liðið þurfi að grafa djúpt - „Ég á bara góðar minningar frá 2017"

Ingibjörg Sigurðardóttir.

Mynd: Jónína Guðbjörg Guðbjartsdóttir

Frá æfingu í Dusseldorf í dag.

Mynd: Jónína Guðbjörg Guðbjartsdóttir

„Það eru báðir jákvæðir og neikvæðir hlutir frá þeim leik sem við tökum með okkur inn í næsta leik," sagði Ingibjörg Sigurðardóttir, varnarmaður íslenska landsliðsins, í samtali við Fótbolta.net í dag. Hún var þar spurð út í síðasta leik gegn Wales sem endaði með 1-0 sigri hjá okkar liði. Það var fyrsti leikurinn í Þjóðadeildinni.

„Varnarlega var þetta fínt. Það er alltaf hægt að finna betri lausnir sóknarlega. Við þurfum að vera rólegri á boltann."

Þrír miðverðir voru í byrjunarliðinu í síðasta leik; Ingibjörg, Glódís Perla Viggósdóttir og Guðrún Arnardóttir. Hvernig var að spila með þeim?

„Það var mjög gott. Við þekkjum hvor aðra mjög vel og vitum hvað við erum að hugsa. Það er alltaf gaman að spila saman," sagði Ingibjörg.

Það var mjög mikilvægt að hefja Þjóðadeildina á þremur stigum. „Það var ótrúlega mikilvægt og gaf okkur mikið. Við þurfum að taka með okkur sjálfstraust og trú á verkefninu."

Stelpurnar eru núna mættar til Düsseldorf þar sem þær undirbúa sig fyrir næsta leik í Þjóðadeildinni, gegn Þýskalandi á þriðjudaginn. Það verður mjög erfitt verkefni.

„Ferðalagið var strembið, ég viðurkenni það. En við erum komnar og við sváfum vel í nótt. Þetta er góð byrjun, það er fínt veður."

Það hefur ekki gengið vel hjá Þýskalandi upp á síðkastið. Þær áttu erfitt HM og töpuðu fyrir Danmörku í fyrsta leik í Þjóðadeildinni. „Við tökum því að það er smá vesen í kringum þær og sjálfstraustið ekki í botni. En við vitum líka að þær eru drullugóðar og með góða leikmenn innan liðsins. Við getum ekkert slappað af. Við þurfum alltaf að eiga okkar besta leik."

Ingibjörg byrjaði inn á hjá Íslandi í einum magnaðasta sigri í sögu kvennalandsliðsins er þær unnu 2-3 sigur gegn Þýskalandi í Wiesbaden árið 2017. Er ekki um að gera að vinna þær bara aftur?

„Ég er alveg til í það sko," sagði Ingibjörg og glotti. „Ég á bara góðar minningar frá 2017. Við þurfum að grafa djúpt og finna í hvaða standi við vorum þá andlega séð. Þetta var mikill liðssigur, það voru læti og geggjað gaman að spila. Ég vona að við fáum aftur þannig leik."

Hægt er að sjá viðtalið í heild sinni hér að ofan þar sem Ingibjörg ræðir meðal annars um Vålerenga þar sem hún er orðin fyrirliði.