Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
Sáttur Arnar Gunnlaugs: Erum að senda ágæt skilaboð til liðanna í deildinni
Höskuldur brattur eftir leik: Maður verður að jafna sig hratt á þessu
Elskar stóru leikina - „Vona að fólk viti að þeir kitla mig.“
Finnst línan vera óskýr - „Þeir máttu það í dag“
Alltaf skemmtilegustu leikirnir - „Ég er með eitraða hægri löpp"
Hinrik Harðar: Mikil ábyrgð að vera kominn í ÍA
Rúnar Páll: Það er það sem Fylkir gengur út á
Jón Þór: Vil byrja mótið 1. mars
Amanda: Markmiðið er að fara aftur út en fókusinn er á Val
Jóhann Kristinn: Mér fannst við ekki komast yfir spennuna
Haddi: Meira svekktur með frammistöðuna en að hafa fengið á okkur mark
Pétur: Allt öðruvísi en gegn Víkingum
Fyrirliðinn ánægður með fyrsta sigurinn - „Þvílíkur bónus að koma marki inn í lokin"
Davíð Smári eftir fyrsta sigurinn: Þetta er ástæðan fyrir því að maður er í þessu
„Þú hefur daginn í dag til að fara heim að grenja svo áfram gakk"
Sjáðu fallegt mark Björns Daníels - „Tók hann bara í fyrsta og sem betur fer fór hann inn“
Hetja Framara valdi félagið fram yfir FH - „Getur ekki orðið betra"
Engar afsakanir hjá Gregg Ryder - „Spilum á heimavelli í næsta leik"
Hlegið þegar Rúnar mismælti sig - „Öskraði KR og KR fékk innkastið"
Ómar Ingi: Þeir voru ekki á þeim buxunum að hleypa okkur neitt
   sun 25. febrúar 2024 15:00
Guðmundur Aðalsteinn Ásgeirsson
Kópavogsvelli
Guðrún: Það voru Blikalög í rútunni á leiðinni og allir pepp
Icelandair
Guðrún á æfingu í dag.
Guðrún á æfingu í dag.
Mynd: Fótbolti.net - Hafliði Breiðfjörð
Mikilvægur leikur framundan.
Mikilvægur leikur framundan.
Mynd: Fótbolti.net - Hafliði Breiðfjörð
Góð stemning í hópnum.
Góð stemning í hópnum.
Mynd: Fótbolti.net - Hafliði Breiðfjörð
„Það er orðið svolítið langt síðan síðast. Allt er vænt sem vel er grænt. Við erum margar í hópnum sem höfum verið í Breiðabliki. Það voru Blikalög í rútunni á leiðinni og allir pepp," sagði Guðrún Arnardóttir þegar hún ræddi við Fótbolta.net fyrir æfingu á Kópavogsvelli í morgun.

Hún er að snúa aftur á gamla heimavöllinn en hún spilaði með Breiðabliki frá 2012 til 2018. Á þriðjudaginn spilar Ísland mikilvægan leik á Kópavogsvelli er við spilum seinni leik okkar við Serbíu í umspili Þjóðadeildarinnar. Með sigri heldur Ísland sér í A-deildinni.

Það var stemning í hópnum þegar hann mætti til leiks á æfingu í morgun en á meðal laga sem voru spiluð var Eitt fyrir klúbbinn með Herra Hnetusmjör sem er mikið Blikalag.

„Það er verið að koma stemningu í fólk og líka kveikja aðeins í þeim sem eru ekki Blikar. Það er bara stemning," sagði Guðrún.

Það sem við ætlum að gera fyrir þriðjudaginn
Fyrri leikurinn gegn Serbíu ytra endaði með 1-1 jafntefli en íslenska liðið spilaði ekki sinn besta leik þar.

„Þær komu eins og við bjuggumst við, en það eru okkar ákvarðanartökur og okkar leikur sem við þurfum að fínpússa. Það var aðeins of langt á milli lína hjá okkur stundum og við töpuðum boltanum fljótt þegar við unnum hann. Við hefðum getað byggt upp lengri sóknir. Það góða er að þetta eru hlutir sem við getum stjórnað og við getum breytt. Það er það sem við ætlum að gera fyrir þriðjudaginn."

Er hún að búast við öðruvísi leik á þriðjudaginn?

„Já. Bæði lið vilja koma inn í seinni leikinn í góðri stöðu. Seinni leikurinn snýst um að vinna. Það verður kannski 'safe' í byrjun en svo um leið og við skorum vonandi þá verða þær kannski agressívari og þá getur það haft áhrif á leikmyndina. Það er allt undir á þriðjudaginn og ég held að það muni sýna sig í leiknum."

„Við þurfum að vinna, það er einfalt. Við þurfum að leggja inn vinnuna og fínpússa hlutina frá því síðast til að gera það. Við erum meira en tilbúnar í það."

Lítil atriði sem maður verður að venjast
Guðrún hefur verið að leysa stöðu hægri bakvarðar í nokkur skipti að undanförnu, meðal annars í síðasta leik. Hún er að upplagi miðvörður og er að venjast nýrri stöðu.

„Það er bara fínt. Ég myndi alltaf velja hafsentinn frekar en ef ég fæ að vera inn á vellinum, þá er ég sátt. Ég geri það vel eins og ég get. Ég er hafsent í mér en mér finnst það alveg gaman. Það eru lítil atriði sem maður verður að venjast og eru aðeins öðruvísi. Ég spila enn minn leik þó ég sé í annarri stöðu og reyni að gera það eins vel og ég get."

Guðrún segist mjög vongóð á góðum úrslit á þriðjudaginn. „Ég er líka bara ógeðslega peppuð. Við vorum ekkert góðar á föstudaginn og ég er spennt að koma hingað og sýna okkar rétta andlit."

Hægt er að sjá allt viðtalið í spilaranum hér fyrir ofan og hér fyrir neðan er hægt að hlusta á lagið sem var spilað þegar hópurinn gekk inn á Kópavogsvöll í morgun.


Athugasemdir
banner
banner