„Tilfinningin er alls ekki góð, við börðumst eins og við gátum og áttum að vinna þennan leik, allavega sækja stig. Við lágum á þeim, sérstaklega í endann og þetta er bara mjög svekkjandi,“ sagði Sveindís framherju Keflavíkur eftir svekkjandi tap gegn Þór/KA.


Lestu um leikinn: Keflavík 1 -  2 Þór/KA

Eftir sterka byrjun fengu Keflvíkingar dæmt á sig víti sem varð til þess að Þór/KA náði tökum á leiknum.

„Þetta var ekki réttur dómur í fyrsta lagi svo við vorum svolítið svekktar eftir það. Liðið dettur stundum niður þegar við lendum undir, en við komum til baka og jöfnuðum. Við ætluðum að sækja á þær og vinna, en það gekk ekki upp í þetta skipti.“

Lið Keflavíkur barðist allan seinni hálfleikinn og settu pressu á Þór/KA liðið.

„Við ætluðum að setja pressu á þær, eins og til dæmis í markspyrnum ef þær gáfu stuttan bolta, og gerðum það ágætlega. Stundum leyfðum við þeim að koma upp með boltann og þetta gekk ágætlega upp.“

Löngu innköstin hennar Sveindísar hafa vakið verðskuldaða athygli og kom eina mark Keflavíkur í kjölfar slíks. Aðspurð segist Sveindís ekki æfa innköstin sérstaklega, heldur sé þetta meðfæddur hæfileiki.

Viðtalið í heild má horfa á í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit