Mendy er byrjaður að æfa eftir meiðsli og sömu sögu er að segja af N'Golo Kante. Hvorugur þeirra verður klár á morgun. Þetta staðfesti Graham Potter, stjóri Chelsea, á fréttamannafundi í dag. Hann sagði þá að Marc Cucurella og Carney Chukwuemeka væru að glíma við veikindi.

Potter er að fara stýra sínum öðrum leik sem stjóri Chelsea. Hann hefur sjö sinnum mætt Crystal Palace á ferlinum en aldrei unnið.

„Það sýnir hversu erfið úrvalsdeildin er. Það er lítill munur á liðunum. Svona er sagan, ég er spenntur að ná kannski að breyta þessari staðreynd á morgun," sagði Potter.