Lestu um leikinn: ÍBV 3 -  0 HK

HK-ingar hafa verið fullir af baráttu og áræðni í byrjun tímabils og verið inni í öllum leikjum en þeir sáu ekki til sólar í dag.

Eyjamenn voru töluvert sterkari aðilinn og unnu sannfærandi sigur eftir að hafa tapað fimm leikjum í röð fram að þessum leik.

„Verðskuldað tap. Vorum lélegir frá upphafi, verðskuldað tap hjá okkur verðskuldaður sigur hjá Eyjamönnum.“

„Jú, held að þurfi engan sérstakan sérfræðing til að átta sig á því að frammistaðan okkar í dag var langt frá því sem að við eigum að geta sætt okkur við og við þurfum að lagfæra það hið snarasta,“ sagði Ómar við Fótbolta.net.

HK mætir Val næst í deildinni þann 11. júní en planið er væntanlega að bæta upp fyrir það í næsta leik?

„Auðvitað er það planið. Þessi leikur var smá skellur eða bakslag í þessu að við hvorki skorum og erum að tapa með meira en einu marki sem hefur ekki verið að gerast hingað til í sumar en getum það ekki alveg látið núlla út sumarið hingað til og passa okkur að leggjast ekki of mikið í vonbrigði en við þurfum að leggjast í vinnu við að rétta okkur af,“ sagði Ómar Ingi í lokin.