Fótbolti.net

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

mið 03. apríl 2024 11:22

Sæbjörn Þór Þórbergsson Steinke
Kópavogsvelli

Guðný Árna: Með einn besta framherja í heiminum

Af landsliðsæfingunni í gær.

Mynd: Fótbolti.net - Hafliði Breiðfjörð

Ewa Pajor gegn Íslandi árið 2022.

Mynd: EPA

'Það gekk vel síðast, þannig ætli það leggist ekki bara vel í mig að spila aftur hér'

Mynd: Fótbolti.net - Hafliði Breiðfjörð

Guðný Árnadóttir ræddi við Fótbolta.net fyrir landsliðsæfingu gærdagsins. Framundan er leikur gegn Póllandi á Kópavogsvelli í undankeppni EM. Leikurinn fer fram á föstudag.

„Þetta leggst mjög vel í mig, Pólland er með einn besta framherja í heiminum í sínu liði. Ég býst bara við hörkuleik við gott lið og það má búast við góðu íslensku liði," sagði Guðný. Ewa Pajor er öflugasti leikmaður Póllands, hún er liðsfélagi Sveindísar Jane Jónsdóttur hjá Wolfsburg og hefur skorað 55 landsliðsmörk í 70 leikjum.

Ísland er í riðli með Þýskalandi, Póllandi og Austurríki í riðli.

„Mér líst mjög vel á riðilinn, er ánægð með þetta og held þetta séu fullt af hörkuleikjum. Fyrirfram eru leikirnir gegn Austurríki og Pólland hörkuleikir en leikir sem hægt er að vinna. Svo vitum við hversu góðar þær þýsku eru, en það er alltaf möguleiki."

„Ég fylgdist með drættinum, ég var alveg smá stressuð þegar ég sá riðilinn með Englandi og Frakklandi og ljóst að annað hvort myndum við enda í honum eða Svíþjóð. Það hefði verið ansi erfitt verkefni, þannig það var smá léttir að vera í þessum riðli, en þetta er erfiður riðill eins og allir riðlarnir í keppninni. Þetta er allt frekar jafnt sem er mjög skemmtilegt."

22.03.2024 14:50

Einni kúlu frá dauðariðlinum - „Skal viðurkenna að ég fagnaði"

Leikurinn gegn Póllandi fer fram á Kópavogsvelli og verður flautað til leiks 16:45. Íslenska liðið lék á Kópavogsvelli gegn Serbíu í Þjóðadeildarumspilinu sem fram fór fyrr á þessu ári.

„Það gekk vel síðast, þannig ætli það leggist ekki bara vel í mig að spila aftur hér. Okkur líður vel á gervigrasinu þannig ég held það sé bara gott fyrir okkur. Ég vil frekar vera á alvöru grasi, en ég held að við séum góðar á gervigrasi og finnst það fínt."

Guðný skipti nýlega til Kristianstad eftir að hafa verið hjá AC Milan síðustu ár. Hún hefur verið að koma inn á í fyrstu leikjunum með nýja liðinu.

„Formið er bara gott held ég, tímabilið er að byrja og ég er að koma úr tímabili með AC Milan. Ég spilaði heilan æfingaleik um helgina, 90 mínútur, þannig mér líður bara vel og er spennt fyrir þessu," sagði Guðný sem ræðir nánar um vistaskiptin til Kristianstad í viðtalinu. Viðtalið í heild sinni má sjá í spilaranum efst.