Fótbolti.net

Venni: Get ekkert farið að sparka í ruslatunnur eða urðað yfir menn

Hemmi hafði ekki tíma í að einbeita sér að leiknum - „Það voru allir að biðja um skiptingu"

Liam Daði: Við stefnum á Laugardalsvöll og það er ekkert flókið

Karl Ágúst talar um hátt spennustig - „Allt undir á sunnudaginn"

Haraldur Freyr: Það er bara hálfleikur í þessu

Gunnar Heiðar um rauða spjald Diouck: Leiðinlegt að þurfa að fara í einhvern svona leik

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

mið 04. september 2024 22:40

Sölvi Haraldsson

Nik um Sporting: Verður erfiðasti leikur tímabilsins

Nik var ánægður með margt í dag.

Mynd: Fótbolti.net - Hafliði Breiðfjörð

„Við kláruðum verkefnið. Ég var mjög ánægður með margt í dag. Við skoruðum nokkur glæsileg mörk og spiluðum vel. Við kláruðum bara verkefnið, þetta hefði alveg getað verið bananahýði þar sem þær eru með góða leikmenn. En við kláruðum verkefnið og einbeitum okkur að Sporting núna.“ sagði Nik Chamberlain, þjálfari Breiðabliks, eftir 6-1 sigur á FC Minsk í forkeppni Meistaradeildarinnar í kvöld.

Lestu um leikinn: Breiðablik 6 - 1 FC Minsk

Seinni hálfleikur Brieiðabliks fór meira í að stýra leiknum eftir að hafa verið 4-1 yfir í hálfleik.

„Við vildum bara stýra leiknum betur og færa boltann betur. Seinustu 20 mínúturnar fór svo bara í hvíla leikmenn og róa leikinn niður þar sem við eigum mikilvægan leik á laugardaginn. Núna þurfum við bara að einbeita okkur að þessu erfiða verkefni á laugardaginn.“

Katrín Ásbjörnsdóttir er fyrsti leikmaður Breiðabliks til að skora þrennu þetta sumar þegar hún skoraði þrjú mörk gegn FC Minsk í kvöld.

„Þetta er held ég fyrsta þrenna sem einhver leikmaður hjá okkur skorar. Hún skoraði mjög góð mörk. Við sköpuðum líka fullt af færum og ég er mjög spenntur fyrir framhaldinu. Stór leikur á laugardaginn gegn Sporting.“

Næsti leikur Breiðabliks er í sömu keppni og í dag nema gegn Sporting en Nik segir að það muni vera erfiðasta leik tímabilsins.

„Þetta verður erfiðasti leikur sumarsins til þessa. Þær spiluðu með tígulmiðju í dag. Það verður gaman að sjá tígulmiðju mæta tígulmiðju. Þetta verður skemmtilegt próf fyrir mig sem þjálfara að mæta glænýjum andstæðing sem við höfum ekki langan tíma til að leikgreina. Þetta verður skemmtileg reynsla. Við munum sýna betri frammistöðu, hvort það skili sigri eða ekki verður bara að koma í ljós.“

Nik segir að Breiðablik sé ekkert að hugsa um deildina þessa dagana heldur fer öll þeirra einbeiting á leikinn við Sporting á laugardaginn.

„Við höfum ekkert hugsað um deildina núna. Það er bara Sporting á laugardaginn og við viljum halda áfram að vinna leiki og skora mörk og halda hreinu. Vonandi getum við haldið því áfram í leiknum á laugardaginn gegn Sporting.“ sagði Nik Chamberlain.