Fótbolti.net

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

fös 07. júní 2024 21:51

Brynjar Ingi Erluson

Bjarki Steinn: Skal viðurkenna að það var þægilegra þegar Cole Palmer fór á mig

Bjarki í baráttunni við Declan Rice

Mynd: Fótbolti.net - Hafliði Breiðfjörð

Bjarki Steinn Bjarkason fékk tækifæri í byrjunarliði Íslands í 1-0 sigrinum á Englandi á Wembley í kvöld og tókst honum heldur betur að heilla.

Lestu um leikinn: England 0 - 1 Ísland

Þetta var annar byrjunarliðsleikur Bjarka með A-landsliðinu og hans fyrsti undir stjórn Åge Hareide.

„Hún er ólýsanleg. Það er ekki á hverjum degi sem maður vinnur á Wembley. Geggjaður sigur hjá öllu liðinu og mjög stoltur,“ sagði Bjarki við Fótbolta.net.

Hann hafði tilfinningu fyrir því að hann væri að fara byrja leikinn og sá því til þess að hann væri klár.

„Geðveikt og rosalega mikill heiður fyrir mig. Ég þurfti að gíra mig extra mikið upp og ég gerði það. Klár í þennan leik og gerði það ágætlega. Helvíti sáttur.“

Bjarki þekkir það ágætlega að spila sem vængbakvörður í fimm manna vörn Venezia, en ekki alveg jafn kunnugur því að leika í bakverði í fjögurra manna vörn.

„Nei, ekki sem fjórir til baka. Ég er búinn að spila sem vængbakvörður vinstra og hægra megin hjá Venezia þannig ég kann þetta alveg og get alveg varist líka. Ég var klár í að gíra mig í þetta og það var bara flott.“

Mosfellingurinn viðurkennir að byrjunin hafi verið fremur erfið en eftir það hafi allt gengið eins og í sögu.

„Ég ætla ekki að ljúga að þér. Fyrstu fimmtán voru svolítið erfiðar en síðan vann maður sig betur inn í leikinn og þá fann maður hvað allir voru klárir í þetta og saman í þessu. Þá leið manni miklu betur.“

Bjarki mættir Anthony Gordon, leikmanni Newcastle United, en sá var einn besti leikmaður ensku úrvalsdeildarinnar á síðustu leiktíð. Var einhver hræðsla að mæta honum?

„Jájá, kannski smá í byrjun. Hann er hrikalega fljótur og skal alveg viðurkenna það að það var þægilegra þegar Cole Palmer fór á mig því hann var ekki mikið að fara utan á mig. En svo eru þetta fótboltamenn eins og ég, og ég gerði bara mitt besta.“

Miðað við frammistöðuna þá var Bjarki að sýna Hareide að hann sé klár í að taka við stöðuna.

„Þetta er allt í hans höndum, en tel mig hafa gert nokkuð vel í kvöld. Bara vel, þetta var geggjaður leikur og allt það en við verðum að halda þessu áfram. Það er leikur eftir þrjá daga og þar verðum við að ná jafn góðri frammistöðu vonandi,“ sagði hann.