Óli Stefán: Ekki alveg að falla fyrir okkur

„Ég er gríðarlega svekktur í ljósi þess að þegar korter var eftir þá leit alls ekki út fyrir að þetta yrði loka niðurstaðan. Komum okkur vel inn í leikinn, sköpum okkur frábær færi og frábærar stöður og má alveg segja að gameplanið hafi verið á alveg fram að 2 marki Fylkis."

„Við vissum það að Fylkisliðið særa með hraða og keyra á okkur og ég er svekktur með að við náum ekki að bregðast betur við því sem við lögðum upp með."

Leikurinn var kaflaskiptur en KA stjórnaði leiknum í fyrri hálfleik sérstaklega. Liðið kemur sér í fullt af frábærum stöðum og miklu betri út á velli en ná ekki að nýta færin sem liðið skapaði sér.

„Þetta er ekki alveg að falla fyrir okkur og það er þreytt að þurfa að nota það en á meðan við erum að gera réttu hlutina, fjölga mínútum í frammistöðu sem mér fannst vera jákvæð teikn á lofti fram að þessu 2-1 marki ef ég á að vera alveg heiðarlegur frá síðasta leik en svo erum við kýldir í magan."

Aron Dagur gerir sig sekan um slæm mistök í leiknum og Óli var spurður hvort það væri ekki svekkjandi og pirrandi að horfa upp á það hjá ungum markmanni.

„Auðvitað eiga sér stað mistök inn á 90 mínútum inn á fótboltavelli en það er ekki það sem ég horfi til heldur stöðurnar sem við nýtum ekki og við verðum að halda áfram að horfa í það sem við erum að gera vel og nýta þessar stöður sem við fáum."

Viðtalið í heild sinni má sjá í sjónvarpinu hér að ofan.