Alfreð Finnbogason markaskorari Íslands í kvöld
„Mér fannst allt undir control í fyrri hálfleik erum að spilum bara vel og leikurinn að spilast eins og við viljum, erum að fá fín færi og halda þeim svolítið niðri. Svo kom svolítið slit í þetta fyrsta hálftímann í seinni hálfleik og þeir taka yfirhöndina og þetta er mjög gott og drillað lið þannig að það má ekki gefa þeim mikið pláss," sagði Alfreð Finnbogason eftir tap gegn Sviss í Þjóðadeildinni í kvöld.
Lestu um leikinn: Ísland 1 - 2 Sviss
Alfreð skoraði frábært mark þegar um 10 mínútur lifðu leiks og færði það Íslenska liðinu mikin kraft og áræðni undir lokinn og virtist sem það færði liðinu trú á verkefninu.
„Já ekki spurning það kom smá boost í liðið þegar það gerðist og það þurfti eitthvað svona móment. Við vorum bara ekki alveg að finna okkur sóknarlega á löngum köflum og þeir voru með þetta undir control en við gáfum þeim allavegana leik og gríðarlega svekkjandi að fara ekki með úrslit héðan af heimavelli.“
Fram að marki Alfreðs hafði sóknarleikur Íslands verið þungur og stirður. Hafði Alfreð útskýringar á því?
„Nei í fyrsta lagi er þetta bara gott lið. Þeir eru öruggir á boltann og fljótir að finna lausnir. Svo þegar við unnum boltann vorum við fljótir að tapa honum þá er rosalega erfitt að byggja upp eitthvað þegar þetta er svona fram og til baka og það vantaði meiri ró hjá okkur og láta boltann ganga hraðar.“
Undir lok leiks átti Alfreð í einhverjum orða skiptum við Xherdan Shaqiri og virtist alls ekki vera hlýtt á milli þeirra. Hafði Alfreð eitthvað um það að segja? „Nei þetta var bara létt, engin pirringur ég bara þakkaði honum fyrir leikinn.“
Athugasemdir
