Fyrsta jafnteflið í sumar staðfest, sanngjörn úrslit að mati Sigurjóns?
„Nei við áttum að taka öll þessi þrjú stig með okkur, við fáum ódýrt víti á okkur, þegar maður hefur séð eftir á er þetta bara aldrei víti. Þeir voru meira með boltann og svoleiðis en það var uppleggið hjá okkur".
Frammarar gerðu vel á einn heitasta framhejra deildarinnar, var Sigurjón ekki sáttur með varnarleikinn á Tobias Thomsen?
„Hann er mjög öflugur í boxinu og við vissum það alveg fyrir fram þannig að við lögðum mikið upp úr því að sem sagt hafa hann í gjörgæslu sem gekk mjög vel. Það var lítið af færum í kringum markið þannig að það gekk vel".
Fannst Sigurjóni þetta vera verðskualdað víti sem Blika fá í lok leiks?
„Ég sá þetta ekki í mómentinu en eins og ég segi maður skoðaði eftir leikinn og þá sér maður að hann kixar boltann og dómarinn fellur í þá gryfju".
Fótbolti.net bárust fregnir að Sigurjón hafi verið að klára fasteignasalann. „Maður er kominn með löggildinguna og það er bara verið að tvinna saman boltanum og fasteignunum". segir Sigurjón að lokum og óskar Fótbolti.net honum til hamingju með áfangann.
