Haukur Páll Sigurðsson.
„Það er bara gaman að vinna leiki," sagði Haukur Páll Sigurðsson, fyrirliði Vals, eftir 4-1 sigur á FH í toppslag Pepsi Max-deildarinnar.
Lestu um leikinn: FH 1 - 4 Valur
„Þetta var erfiður leikur, FH er með mjög gott lið. Við komumst í 2-0 og við fáum á okkur klaufalegt mark. Svo komum við hrikalega sterkt inn í seinni hálfleikinn og eftir að þeir fá rautt spjald var þetta aldrei spurning."
Útlit er fyrir það að Valur sé að endurheimta Íslandsmeistaratitilinn eftir erfitt síðasta tímabil. Liðið er núna með 11 stiga forystu á toppi deildarinnar.
„Við fórum ekki mikið yfir síðasta tímabil, það komu bara nýir þjálfarar með sínar áherslur; þeir hafa komið mjög vel inn. Þótt að tímabilið hafi ekki byrjað vel þá var ekkert panikk, við héldum í okkar skipulag og erum búnir að vera flottir."
„Við megum ekkert slaka á, við ætlum að halda áfram og keyra út þetta tímabil. Við verðum klárir í næsta leik sem er erfiður leik gegn Breiðabliki."
Viðtalið er í heild sinni hér að ofan.
Athugasemdir
