Arsenal leggur fram tilboð - Schick til Englands - Emi á útleið og fer Inzaghi til Sádi?
Katie Cousins: Höfum það sem til þarf
Anna Rakel: United bara, tek því
„Hefði getað sent en mig langaði svo rosalega mikið að skora"
Berglindi skemmt þegar henni var bent á áhugaverða staðreynd
Jón Óli: Stórkostlegar aðstæður
„Æsifréttamennska að mínu mati“ - Leikið í Grindavík á laugardag
Júlíus Mar: Eitthvað sem mig hefur dreymt um frá því ég kom til liðsins
Jökull eftir stórt tap: Við brotnum aðeins
Tobias Thomsen: Þetta var frekar klikkaður sirkus á köflum
Dóri Árna: Við þurfum ekki að mála einhvern skratta á vegg
Magnús Már: Tileinka þennan sigur Guðjóni Ármanni
Rúnar Kristins: Við vitum hvað við getum og við getum bætt okkur
Óskar vísar í Hernán Cortés: Spurði konuna hvort hún sæi einhver skip
Miklar væntingar gerðar til Víkings - „Við erum með rosalega stóran hóp“
Gylfi eftir fyrsta markið: Hentar mér kannski aðeins betur
Hrannar Snær: Erum með meira sjálfstraust í sóknarleiknum
Eiður Aron eftir sigur á ÍBV: Þetta er bara 'bisness'
Böddi glímt við veikindi: Vissi þá að ég þyrfti að klára þennan leik
Heimir Guðjóns léttur: Það gerist nú ekki á hverjum degi
Túfa: Hefðum getað gert tíu skiptingar í hálfleik
   sun 24. september 2023 17:56
Sölvi Haraldsson
Fúsi: Varnarleikurinn var bara ekki nógu góður í 8 mínútur í dag
Lengjudeildin
Mynd: Fótbolti.net - Haukur Gunnarsson

Ég er bara hundfúll. Við byrjum vel en þeir skora síðan bara 3 mörk á einhverjum 8 mínútum og drepa leikinn. Við reyndum og reyndum, strákarnir fá hrós fyrir það í seinni hálfleiknum. Það gekk bara ekkert upp í sóknarleiknum í dag og varnarleikurinn var bara ekki nógu góður í 8 mínútur í dag.“ sagði Vigfús Arnar, þjálfari Leiknis, eftir 3-0 tap gegn Aftureldingu sem þýðir að tímabil Leiknis því formlega búið.


Lestu um leikinn: Afturelding 3 -  0 Leiknir R.

Það benti lítið til þess að eitthvað væri að fara að gerast fyrsta korterið en síðan skorar Afturelding þrjú mörk á átta mínútna kafla. Vigfús var spurður hvað honum fannst fara úrskeðis í þessum kafla.

Menn eru með fyrirmæli um að gera ákveðna hluti og menn framkvæmdu þá bara ekki nógu vel. Menn voru bara skrefinu of seinir og Aftureldingarmenn komust bara fram fyrir okkur og skoruðu í markið. Í þessum einvígum skipta smáatriðin gífurlega miklu máli og ef þú ert ekki ofan á í þeim þá áttu venjulega ekki von á góðu.“

Fúsi vildi laga spennustigið frá seinasta leiknum gegn Aftureldingu sem tapaðist einnig, 2-1.

Mér fannst spennustigið nokkuð hátt í fyrri leiknum. Það eru nokkrir ungir leikmenn í mínu liði sem hafa ekki spilað svona stóra leiki áður. Við þurftum að taka óþarfa margar snertingar á boltanum og vorum hægir í sóknaruppbyggingunni. Við ætluðum að tækla spennustigið þannig að menn kæmu slakir inn í þennan leik. Menn voru það fyrsta korterið. Við vorum afslappaðir á boltanum en síðan koma þessi augnablik í varnarleiknum sem drepa þennan leik.

Tilfinningarnar eru á flakki núna þannig það er kannski ekki beint sniðugt að greina leikinn núna. En við lærum klárlega af þessu. Leikmennirnir mínir munu setja þetta í reynslubankann. Þannig næst þegar við förum að spila háspennuleiki, þá koma þeir enn tilbúnari í það.

Núna er tímabilið búið fyrir Leikni en Fúsi er ákveðinn í því að Leiknisliðið mun verða betra fyrir næsta tímabil.

Það er klár að við ætum að verða betri fyrir næsta tímabil. Við þurfum að gera liðið betra. Ég er með ákveðnar hugmyndir og ég er búinn að læra margt á þessu tímabili. Maður lærir hluti um leikmennina sína, leikskipulagið og félagið. Þannig við munum klárlega koma betur undirbúnir í næsta tímabil.“

„Ég held að það voru 14 eða 15 leikmenn sem spiluðu með okkur á þessu tímabili sem spiluðu ekki með okkur í sumar. Við fórum í gríðarlega endurnýjun, við erum með eitt yngsta lið deildarinnar. Við fórum í gegnum öldudal í sumar, við vorum í fallbaráttu um mittsumar og við endum hér í lok september um að keppast um að komast upp í efstu deild. Þannig ég er bara gríðarlega sáttur. Allir leikmenn sem byrjuðu að æfa með okkur seinasta haust hafa spilað leik fyrir okkur á Íslandsmótinu. Við héldum allan tíman í okkar gildi, bæði inn í hópnum og í leikfræðinni. Það er klárlega uppgangur í liðinu og ég horfi björtum augum á framtíðina.“ sagði Vigfús Arnar, þjálfari Leiknis, að lokum eftir 3-0 tap við Aftureldingu í dag.

Nánar er rætt við Vigfús Arnar í spilaranum hér að ofan.


Athugasemdir
banner
banner
banner