Fótbolti.net

Stór stund fyrir Söndru Maríu - „Hún elskar að vera hérna"

„Var að reka á eftir hlutum sem hún á ekkert að vera að reka á eftir“

Thelma eftir fyrsta landsliðsmarkið: Ég er smá fúl samt

Talar um „ógeðslegan leik" - Þarf betri ramma um nýju reglurnar

Sara ræðir heimkomuna - „Var í Lyon þegar Dóri spyr mig fyrst hvort ég sé að koma heim“

Sævar Atli ræðir brottrekstur Freys - „Fengum ekki að kveðja hann“

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

lau 27. maí 2023 22:10

Guðmundur Aðalsteinn Ásgeirsson
Þróttheimar

Pétur ósáttur við reglur KSÍ: Eini möguleikinn að fara niður í 4. flokk

Pétur Pétursson, þjálfari Vals.

Mynd: Fótbolti.net - Hafliði Breiðfjörð

Valur er úr leik í bikarnum.

Mynd: Fótbolti.net - Eyjólfur Garðarsson

„Það er aldrei gott að tapa. Mér fannst við hafa leikinn algjörlega í fyrri hálfleik, en við spiluðum ekki eins vel út úr þessu í seinni hálfleik," sagði Pétur Pétursson, þjálfari Vals, eftir 2-1 tap gegn Þrótti í Mjólkubikarnum í kvöld.

Valskonru eru ríkjandi meistarar en þær eru núna úr leik í keppninni í ár eftir tap í kvöld. Þær tóku forystuna í leiknum en misstu hana frá sér á lokakaflanum.

Lestu um leikinn: Þróttur R. 2 - 1 Valur

„Svona er þetta. Bikar er bara bikar og þú vinnur eða þú tapar," sagði Pétur.

Hann er ekki á því að liðið hafi orðið bensínlaust í seinni hálfleiknum. „Nei, þær eiga ekki að verða bensínlausar en stundum er þetta þannig - og sérstaklega þegar það er bara einn leikur - að þú ert farinn að verja einhverja hluti. Það áttu ekki að gera, þú átt að klára leikinn."

Það vakti athygli að Valur var bara með fjóra leikmenn á bekknum en leyfilegt er að hafa sjö. Það vantaði því þrjá leikmenn upp á það að bekkurinn væri fullur.

„Ég er bara með meiðsli og veikindi í hópnum, ég hafði ekki fleiri leikmenn," sagði Pétur en hann gat ekki tekið leikmenn úr 2. og 3. flokki inn í hópinn þar sem þeir leikmenn eru að spila með KH, venslafélagi Vals, í meistaraflokki. KH leikur í 2. deild kvenna en Valur má ekki kalla leikmenn til baka úr KH utan glugga - þeir leikmenn gátu því ekki komið inn í hópinn í kvöld.

„Eini möguleikinn hjá mér er að fara niður í 4. flokk. Það eru reglur hjá KSÍ um að ég megi ekki nota leikmenn sem eru að spila hjá KH. Mér finnst þetta alveg út í hött og ég er búinn að segja það í mörg ár. Ég þarf að fara niður í 4. flokk þá til að fylla bekkinn og það eru stelpur sem eru 11 og 12 ára."

„Þetta er bara hópurinn eins og er... Ég vona að ég verði með fleiri leikmenn í næsta leik. Við verðum að gera betur þar. Þú ert að hamla ungum leikmönnum að koma inn í hópinn hjá okkur og að spila leiki. Mér finnst það ekki gott fyrir fótboltann," sagði Pétur en hægt er að sjá allt viðtalið hér að ofan.