Hlupum þessi þrjú stig í hús
„Gríðarleg barátta sem skilaði þessum stigum. Liðið virkaði sem ein held og við hlupum þessi stig í hús," sagði Kristján Guðmundsson, þjálfari Stjörnunnar, eftir 2-1 sigur síns liðs gegn ÍBV í Pepsi Max-deild kvenna.
Lestu um leikinn: Stjarnan 2 - 1 ÍBV.
Lestu um leikinn: Stjarnan 2 - 1 ÍBV.
Fyrri hálfleikur var mjög rólegur en Stjarnan átti þó eitt stangarskot. Kristján var spurður hverju hann breytti í hálfleik.
„Við fórum minna upp á fyrsta tempói og fórum meira á þær á öðru tempói."
Kristján var svo spurður út í framhaldið í deildinni.
„Við eigum fjóra leiki eftir í deildinni, m.a. leik á móti Keflavík. Við þurfum að koma í leikina eins og í dag og sýna þessa baráttu."
Kristján skaut því svo inn að hann hefði ekki fengið nein SMS um það hvernig hann hefði átt að stilla liði sínu upp og vitnaði þar í viðtal við Ólaf Kristjánsson, þjálfara karlaliðs FH, eftir undanúrslitaleikinn í bikarnum gegn KR.
Sjá einnig: Óli Kristjáns: Höfum síðustu daga verið að fá SMS
Viðtalið í heild sinni má sjá í spilaranum hér að ofan.
