Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
Axel Óskar um Gregg Ryder: Ég sé rosalega á eftir honum
Arnar Gunnlaugs: Fegurðin í fótboltanum er að 1-0 yfir er ekki neitt
Pálmi Rafn: Ég væri klárlega til í að taka við liðinu
Viktor Helgi: Vonandi aðeins fleiri sokkar sem fólk þarf að borða
Jökull: Erum töluvert sterkari úti á vellinum en það er fleira sem telur
Ómar: Þvælan er að hleypa þeim inn í þetta - Varð bara sætara fyrir vikið
Sigga fannst sínir menn litlir: Þurfa að svara fyrir það á miðvikudag
Skælbrosti eftir sætan sigur á Akureyri - „Það var bara geðveikt"
Vildi ekki taka allt kreditið eftir sigur Leiknis: Erum allir hetjur
Pétur um viðbrögðin eftir pistilinn: Það var góður panell á Víkingsvellinum
Tekur undir með Pétri - „Það geta allir tekið til sín“
„Þegar þetta tæki hittir boltann þá er eins og hleypt sé af skoti”
Gunnar Magnús: Hún veit það best sjálf að hún gat gert betur
Óli Kristjáns: Sáttur við seigluna
Alltaf langað að spila fyrir Þór/KA - „Sérstaklega gaman að skora fyrir félagið"
Kristján Guðmunds: Tökum ekki réttar ákvarðanir
J. Glenn: Í dag að spila á leikmönnum úr þriðja flokki
Bryndís Rut: Ekkert óvanar því að ferðast og erum ekkert að kvarta
Ísak segir sögurnar ekki réttar - „Fullsnemmt að pakka saman í töskur og fara heim"
Best í Mjólkurbikarnum: Fyrsta tímabilið í atvinnumennsku
   mán 10. júní 2024 15:30
Sæbjörn Þór Þórbergsson Steinke
Daníel fer líklega á láni í sumar - „Ég segi bara takk við hann"
Stoðsendingahæstur tvö tímabil í röð.
Stoðsendingahæstur tvö tímabil í röð.
Mynd: FC Midtjylland
Danskur meistari tvö ár í röð.
Danskur meistari tvö ár í röð.
Mynd: Aðsend
Með U19 landsliðinu á EM í fyrra.
Með U19 landsliðinu á EM í fyrra.
Mynd: Fótbolti.net - Hulda Margrét
Lúðvík Gunnarsson
Lúðvík Gunnarsson
Mynd: Fótbolti.net - Guðmundur Aðalsteinn Ásgeirsson
Meistari bæði tímabilin með U19.
Meistari bæði tímabilin með U19.
Mynd: FC Midtjylland
„Það verður að öllum líkindum lán, líklegast til Fredericia í 1. deildinni. En það er ekki alveg ákveðið. Við bíðum og sjáum hverjir möguleikarnir verða þegar ég kem til baka úr sumarfríi," sagði Daníel Freyr Kristjánsson, leikmaður Midtjylland, við Fótbolta.net.

Daníel er vinstri bakvörður sem leikið hefur með U19 ára liði Midtjylland í tvö tímabil. Hann er genginn upp úr U19 ára liðinu, verður 19 ára í ágúst.

„Við höfum eitthvað skoðað það (að taka undirbúningstímabilið með Midtjylland), erum að skoða stöðuna."

Eru góð tengsl milli Midtjylland og Fredericia?

„Það eru mjög góð tengsl milli félaganna. Sem leikmaður frá Midtjylland, ef maður gerir vel, þá fær maður mikinn spiltíma þarna. Það er mikilvægt þegar maður fer á láni. Fredericia spilar góðan bolta, vilja halda í boltann og það hentar mér betur en varnarbolti. Mér finnst þetta passa mér vel og ég er til í þetta."

Daníel var keyptur frá Stjörnunni sumarið 2022 og hefur hann orðið danskur meistari í tvígang og var í bæði skiptin stoðsendingahæstur í U19 deildinni.

„Þetta hefur verið mjög gott, ég hef eignast marga vini og þetta hefur liðið hratt. Ég er búinn að venjast lífinu í Danmörku, þetta er svipað og á Íslandi. Ég hef alveg hugsað hvernig þetta væri á Íslandi, það væri alveg vel gaman, en ég valdi að fara út."

Sá ekki tilganginn í því að koma heim
Það voru einhverjar sögur í vetur um að Daníel gæti farið á láni til Stjörnunnar. „Það hefði alveg verið gaman, það var eitthvað smá tal, ég var á þeim tímapunkti að æfa mikið með aðalliðinu og í mjög góðri stöðu - var að spila vel með U19 og fékk sénsinn með Midtjylland í æfingaleikjum í vetur. Ég sá því ekki tilganginn í því að fara heim í Stjörnuna."

Erfitt að brjóta sér leið í aðalliðið
Aðallið Midtjylland varð meistari á dögunum. Daníel var einu sinni nálægt því að vera í hóp í meistaraumspilinu.

„Hægri bakvörðurinn hjá okkur meiddist en það gerðist ekki (að ég fékk kallið). Það var annar maður sem kom inn. Hópurinn er mjög breiður og mjög erfitt að brjóta sér leið inn í hann. Það er góður kúltúr í félaginu núna."

„Getustigið í U19 er miklu betra en fólk heldur. Það eru mjög góðir leikmenn í deildinni. Ég keppi oft á móti mjög góðum gæjum."


Með mjög góðan kantmann með sér
Af hverju er vinstri bakvörður svona stoðsendingahár?

„Leikplanið okkar er þannig að ég fæ fría rullu sóknarlega. Ég get nánast farið upp hvenær sem ég vil og ég er líka með mjög góðan kantmann með mér sem sendir alltaf á mig á réttum tímapunktum."

„Í fyrra vorum við með langbesta liðið, en núna var enginn að búast við því að við myndum vinna. Það fóru eiginlega allir úr liðinu. Við byrjuðum frekar illa en svo myndaðist liðið, náðum að halda því liði og unnum ellefu leiki í röð og unnum deildina."


Daníel segir frá vonbrigðunum úr Evrópukeppni unglingaliða þar sem Midtjylland féll úr leik í útsláttarkeppninni á grátlegan hátt gegn RB Leipzig. „Það vissi enginn hvernig þeir áttu að vera inni í klefa," sagði Daníel meðal annars.

Færður af kantinum í bakvörðinn
Er vinstri bakvarðarstaðan framtíðarstaðan?

„Klárt mál. Mér finnst ég bestur í þeirri stöðu, kemur mest út úr mér þar. Nei, alls ekki, ég byrjaði að spila stöðuna með landsliðinu, var áður á hægri kanti. Erlend félög fylgdust með mér í landsliðinu og ég var fenginn sem bakvörður. Ég var aldrei bakvörður í Stjörnunni. Það var Lúlli (Lúðvík Gunnarsson) sem setti mig í bakvörðinn. Ég segi bara takk við hann."

Geðveikt að fá kallið í U21
Daníel var valinn í U21 landsliðið í fyrsta sinn í mars. Hann kom við sögu gegn Tékklandi í undankeppni EM.

„Markmiðið er auðvitað að halda sér í hópnum. Það er mjög gaman með U21, hátempó leikir. Það var geðveikt að fá kallið í mars og fá svo að spila einn hálfleik, ég var ekki að búast við því. Ég var bara að búast við því að hita upp, kannski að fá fimm mínútur. Það kom mér á óvart að fá að spila," sagði Daníel.

Í viðtalinu ræðir Daníel um Sverri Inga Ingason og Stjörnuna. Það má sjá viðtalið í heild sinni í spilaranum efst.
Athugasemdir
banner
banner