„Þetta er frekar svekkjandi. Við héldum þeir vel. Þeir fá þetta víti og eftir að förum við að sækja aðeins meira. Frekar svekkjandi úrslit ," sagði Guðlaugur Victor Pálsson eftir 0-1 tap gegn Frakklandi.
Victor kom inn í hægri bakvörðinn í dag, óvænt að flestra mati og hann var spurður út í hvernig honum líkaði að spila í bakverðinum.
„Mér líkar bara vel. Ég á margt ólært í þessari stöðu Það voru taktískir hlutir í fyrri hálfleik sem ég hefði mátt gera betur og mun læra með reynslunni. Í heildina litið fínt."
„Þetta hefur verið í smá ferli. Ég hef verið í bakverðinum á æfingum í síðustu verkefnum. Ég er alveg búinn að vera undirbúinn fyrir þetta, mjög ánægður með að hafa fengið tækifærið."
„DNA hjá þessu liði er fyrst og fremst varnarleikurinn. Ég sýndi hvað ég hef fram að færa framávið í seinni hálfleiknum og þegar sjálfstraustið verður meira í þessari stöðu fer maður að þora meiru."
Viðtalið í heild sinni má sjá í spilaranum efst í fréttinni.
Athugasemdir
