Ragnar Sigurðsson, varnarmaður íslenska landsliðsins og Rostov, er kominn aftur á fulla ferð eftir að hafa meiðst í landsleiknum gegn Andorra í síðasta mánuði.

„Ég meiddist á kálfa í síðasta landsleik. Það tók mig tvær eða tvær og hálfa viku að ná mér alveg. Ég spilaði síðasta leik með Rostov og það er allt í góðu," sagði Raggi við Fótbolta.net í dag.

Tyrkir voru ósáttir við það hversu langan tíma það tók að komast í gegnum Leifsstöð fyrir fyrri leikinn í júní. Íslensku leikmennirnir hafa sumir hverjir mátt þola bið við komuna til Tyrklands.

„Það var ekkert vesen hjá mér en ég veit að það var vesen hjá einhverjum af strákunum og starfsfólkinu. Við bjuggumst við þessu og þetta var ekki að pirra neinn rosalega," sagði Raggi.

Ísland mætir Tyrklandi á fimmtudag og Moldóvum á sunnudag.„Við verðum að vinna og treysta á úrslit í síðasta leik. Það eina sem við getum gert er að klára okkar tvo leiki og sjá hvað gerist."

Ísland lagði Tyrkland 2-1 í júní en þá skoraði Ragnar bæði mörkin „Það er mjög óvanalegt. Ég hefði getað sett þriðja markið í seinni hálfleik. Það er gaman að þessu," sagði Ragnar.

Hér að ofan má sjá viðtalið í heild sinni.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit