„Við hömruðum á þetta allann seinni hálfleik en náum bara að skora eitt mark og það er ekki nóg. Við fengum á okkur að mínu viti tvö mjög ódýr mörk og vorum ekki nógu klókir í boxinu okkar og einbeittir“
Sagði brúnaþungur Páll Viðar Gíslason þjálfari Þórs um leik sinna manna eftir 1-2 tap gegn Keflvaík þar sem Þórsarar léku manni fleiri í klukkustund og tveimur fleiri síðustu tíu mínútur leiksins.

Lestu um leikinn: Keflavík 2 -  1 Þór

Það má alveg draga þá ályktun að Þórsurum líki illa að vera manni fleiri en þeir töpuðu gegn Vestra í síðustu umferð þrátt fyrir að vera manni fleiri í rúman hálftíma. Um þetta sagði Páll.

„Já það er hægt að reikna það út en það er nú oft talað um það að ef þú vilt fá heppnina með þér þá þarftu að vinna fyrir henni og kannski erum við ekki búnir að vinnu nógu mikið fyrir því að vera heppnir en klárt að það eru vonbrigði að fá ekkert út úr þessum tveimur leikjum.“

Fannar Daði Malmquist Gíslason og Orri Sigurjónsson voru ekki í leikmannahópi Þórs í dag. Eru þeir meiddir og verða þeir lengi frá?

„Já en við eigum að spila á laugardaginn næsta og ég reikna með að fá annaðhvorn þeirra eða báða inn á æfingar seinni part þessarar viku og þá tökum við stöðuna hvort þeir verði klárir í hasarinn á Þórsvelli þá.

Allt viðtalið má sjá hér að ofan.

Tweet

Senda a Facebook Hafdu samband Senda frétt Prenta frétt Frétta leit