HK/Víkingur tapaði í kvöld 2:0 gegn Fylki og er staða liðsins í deildinni orðin áhyggjuefni. Tinna Óðinsdóttir, fyrirliði HK/Víkings, var svekkt í leikslok.

Lestu um leikinn: HK/Víkingur 0 -  2 Fylkir

"Mér líður ekkert rosalega vel og ég er viss um að þannig líður stelpunum líka."

"Mér fannst við betri til að byrja með í fyrri hálfleik og fengum svo á okkur skítamark sem mér fannst vera gegn gangi leiksins. En svo skora þær gott mark í seinni hálfleik."

HK/víkingur skaut tvisvar í leiknum í tréverkið en ef þessi skot hefðu farið inn væru úrslitin önnur.

"Já, þetta mót er búið að vera svolítið stöngin út. Það er virkilega erfitt þegar það fellur ekkert með manni."

Útlitið er svart fyrir HK/Víking í deildinni en þær sitja í neðsta sæti deildarinnar með 7 stig. Hvað þurfa þær að gera til að halda sæti sínu í deildinni?

"Það er bara að sækja öll stig sem eru í boði, það sem eftir er í pottinum."

HK/Víkingur spilar við ÍBV í næsta leik, hvernig leggst það í liðið?

"Við stefnum á sigur í næsta leik eins og markmiðið hefur svosem verið í allt sumar."

Viðtalið við Tinnu má sjá hér að ofan

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit