„Fyrst og fremst bara vonbrigði og svekkelsi að við skulum ekki hafa gert betur í dag og það eru svona fyrstu vonbrigðin, ég er afskaplega sár yfir niðurstöðunni og framgangi manna í leiknum," sagði Logi Ólafsson, þjálfari FH, eftir 4-0 tap gegn Breiðablik í kvöld.
„Við vorum hreinlega bara ekki nógu þéttir, við leyfðum þeim bara að spila sitt netta og þrönga spil og náðum ekkert að stoppa það almennilega og svo er helsta áhyggjuefnið þegar við fáum á okkur mark að við skulum ekki bregðast betur við og svo er komið 3-0 í hálfleik. Þetta var skömminni skárra í seinni hálfleik en samt ekki," sagði Logi þegar hann var spurður út í spilamennsku liðsins í leiknum.
„Við vorum hreinlega bara ekki nógu þéttir, við leyfðum þeim bara að spila sitt netta og þrönga spil og náðum ekkert að stoppa það almennilega og svo er helsta áhyggjuefnið þegar við fáum á okkur mark að við skulum ekki bregðast betur við og svo er komið 3-0 í hálfleik. Þetta var skömminni skárra í seinni hálfleik en samt ekki," sagði Logi þegar hann var spurður út í spilamennsku liðsins í leiknum.
Lestu um leikinn: Breiðablik 4 - 0 FH
Eitt stig af síðustu 15 mögulegum, óttast Logi Ólafsson um starfið sitt hjá FH sem þjálfari liðsins?
„Nei, nei við bara finnum út úr því og ef svo er þá er það bara einhver niðurstaða sem menn verða bara að tala saman um. En við höldum áfram, ég er ekki þannig týpa sem hleypur í burtu."
Félagaskiptaglugginn opnar bráðum, sér Logi fram á styrkingar eða brottfarir hjá FH?
„Það er ekkert í kortunum á hvorugan háttinn, við erum að vísu með Ágúst Eðvald á láni til 1.júní og þau mál eru ekki alveg á hreinu. Það er enginn að koma og ég vona að það sé enginn að fara."
Viðtalið má sjá í heild sinni hér fyrir ofan.
Athugasemdir
