Skúli Jón leggur skóna á hilluna eftir tímabilið.
Skúli Jón Friðgeirsson spilaði sinn síðasta heimaleik fyrir KR í dag í 3-2 sigri gegn FH. Eftir leik tóku KR-ingar svo við Íslandsmeistarabikarnum. Skúli var að vonum í skýjunum með þennan endi hjá sér.
„Tilfinningin er geðveik. Við vissum náttúrulega að þetta væri á leiðinni þannig að þetta var aðeins öðruvísi. Síðustu helgi var þetta kannski aðeins meiri gleði en samt sem áður ótrúlega gaman að lyfta þessu fyrir framan allt þetta fólk." sagði Skúli Jón eftir leikinn en KR tryggði sér Íslandsmeistaratitilinn síðustu helgi eftir sigur gegn Val.
„Tilfinningin er geðveik. Við vissum náttúrulega að þetta væri á leiðinni þannig að þetta var aðeins öðruvísi. Síðustu helgi var þetta kannski aðeins meiri gleði en samt sem áður ótrúlega gaman að lyfta þessu fyrir framan allt þetta fólk." sagði Skúli Jón eftir leikinn en KR tryggði sér Íslandsmeistaratitilinn síðustu helgi eftir sigur gegn Val.
Lestu um leikinn: KR 3 - 2 FH
Eins og fyrr segir var þetta síðasti heimaleikur Skúla Jóns fyrir KR en hann ætlar að leggja skóna á hilluna eftir tímabilið.
„Ég gat ekki beðið um betri endi á þessu. Að gera þetta hérna á heimavelli fyrir framan allt þetta fólk og fá þessa skiptingu hérna í lokin er gjörsamlega frábært." sagði Skúli Jón en hann fékk heiðursskiptingu þegar að lítið var eftir af leiknum.
Leiknum lauk með 3-2 sigri KR í dag og var Skúli Jón valinn maður leiksins af Fótbolta.net.
„Við erum pínu á eftir í byrjun og kannski ekki alveg mættir. En við náum svo ágætis völdum á leiknum í stöðunni 2-1 og mér fannst í rauninni aldrei nein hætta á að við myndum ekki vinna hann." sagði Skúli Jón að lokum.
Nánar er rætt við Skúla Jón í spilaranum að ofan.
