Emir var valinn maður leiksins
Emir Dokara, fyrirliði Víkings Ólafsvíkur var valinn maður leiksins í 2-0 sigri á Þór í kvöld. Leikurinn fór fram á Ólafsvíkurvelli og bongóblíðu. Emir, sem kom til landsins fyrir rúmum 8 árum hefur komið sér mjög vel inn í samfélagið í Ólafsvík og er til að mynda orðinn Íslenskur ríkisborgari.
Lestu um leikinn: Víkingur Ó. 2 - 0 Þór
"Það gekk allt eftir sem við settum upp með og það var mjög mikilvægt fyrir okkur að vinna þennan leik"
Emir hefur verið partur af þessu liði í þónokkur ár og hefur plummað sig mjög vel í bænum og líður honum vel í Ólafsvík.
"Ég hef alltaf sagt það að mórallinn í liðinu er alltaf góður. Þetta eru góðir strákar sem hafa komið inn, þegar við ferðumst er mórallinn mjög góður og ég verð bara að segja að það er rosalega gaman að vera partur af þessu liði"
Emir ætlaði ekkert að láta plata sig í einhverja gryfju með lokaspurningu viðtalsins um hver stefna liðsins væri í sumar. Hann tók það þó á léttu nótunum og hló létt þegar spurningin var kveðin upp.
"Það er alltof snemmt að vera tala um einvherja möguleika núna en það væri auðvitað alltaf gaman að geta barist um að fara upp en við ætlum okkur allavega bara að halda áfram eins og við gerðum í dag"'
Viðtalið við Emir má sjá í tækinu hér fyrir ofan
Athugasemdir
