Fótbolti.net

Ray Anthony: Grenjum í kvöld

Maggi: Ákall á Mosfellinga

Brynjar Björn: Það er klárt brot á Óla

Heimir Guðjóns: Hann á skilið freyðivín frá mér

Badu: Ég held að ástæðan sé mun einfaldari en metnaðarleysi

„Þeir skapa nánast ekki færi í fyrri hálfleik, skora samt tvö mörk úr þessum hornum sínum"

Mattías Kjeld: Valur gat ekki lofað mér mínútum

Nenad: Búið að vera töfrasirkús

Jóhann Birnir: Eitthvað kæruleysi hjá öllum

„Þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir"

Borja: Allt of dýrt að fá á sig mörk úr föstum leikatriðum

Gunnar Heiðar: Þetta er erfiðasta fæðing sem ég hef séð

Davíð Smári: Miklar tilfinningar að keyra inn í bæinn

Birnir Snær: Reynir mest á hausinn

Arnór Ingvi: Allt á uppleið í KR og í Vesturbænum

Óskar Hrafn: Ber mikla virðingu fyrir körfu- og handboltaliðum

Hemmi: Ég er grautfúll

Gylfi: Mjög góðir þó að staðan hjá þeim er eins og hún er

Sölvi: Þarf að setja meiri pressu á Kára

Jökull: Stuðningsmennirnir eiga meira skilið

fös 26. nóvember 2021 12:21

Sæbjörn Þór Þórbergsson Steinke

Kalli: Sá ekki fyrir mér að vera áfram hjá Breiðabliki

Karl Friðleifur

Mynd: Fótbolti.net - Hafliði Breiðfjörð

Víkingur staðfesti í dag kaupinn á Karli Friðleifi Gunnarssyni frá Breiðabliki. Kalli lék á láni hjá Víkingi í sumar og varð Íslands- og bikarmeistari. Hann er tvítugur og getur spilað sem miðvörður í þriggja miðvarða kerfi, bakvörður, vængbakvörður og kantmaður.

Fótbolti.net spjallaði við Kalla í dag og má sjá viðtalið í heild í spilaranum að ofan.

„Mér líður bara frábærlega, gott að vera búinn að klára þetta. Nei, þetta var svo sem ekki langt ferli en landsliðsverkefnið hægði aðeins á þessu en fljótlega eftir það var þetta klárað," sagði Kalli sem skrifar undir þriggja ára samning.

„Já, ég er gríðarlega sáttur, tók fund með stjórn Breiðabliks og er hrikalega þakklátur þeim að skilja mína skoðun og skilja hvað væri best fyrir mig."

Kom til greina að vera áfram hjá Breiðabliki?

„Ég myndi ekki segja það. Eins og hlutirnir hafa verið hér og það sem hefur verið í gangi í Víkinni þá sá ég ekki fyrir mér vera áfram leikmaður Breiðabliks."

Hvernig líst þér á að fá Davíð Örn Atlason í liðið?

„Mér líst hrikalega vel á það. Við æfðum saman í tvær vikur hjá Breiðabliki. Hann er toppleikmaður sem mun styrkja hópinn."

Kalli segist vita af áhuga frá erlendum félögum en hann er ekki klár á því hvort hann semji við erlent félag í vetur. „Það verður að koma í ljós. Við bíðum og sjáum, ég er hrikalega spenntur fyrir næsta tímabili hér í Víkingi."

Hann var spurður út í U21 árs landsliðið og hvernig Víkingur geti gert betri hluti en að vinna tvennuna eins og í sumar.

Lokaspurningin var út í hlutverkið hans næsta sumar. Er möguleiki á því að hann verði í öðru hlutverki?

„Já, ég held að það verði aðeins breytt. Við erum að missa Sölva og Kára og fáum inn Kyle og Davíð. Við munum að mínu mati vera með fljótari varnarlínu þannig við gætum séð breytingar," sagði Kalli að lokum.

Meira um Kalla:
Víkingur í viðræðum við Breiðablik - „Eitthvað sem ég mun aldrei gleyma" (29. okt)
Með smá grænt í hjartanu en vonar innilega að Víkingur vinni titilbaráttuna (17. sept)