Jói Kalli: Blikar misstu haus

ÍA heimsótti Breiðablik á Kópavogsvöll og hafði betur, 2-5. Tryggvi Hrafn Haraldsson skoraði þrennu í leiknum.

„Þessi úrslitaleikur sýnir það að við erum að spila alvöru leik í lok janúar við frábærar aðstæður. Þetta skiptir máli, þetta eru leikirnir sem við þjálfarar og leikmenn verðum að nýta sem undirbúning inn í tímabilið," sagði Jóhannes Karl.

Blikar enduðu tveimur mönnum færri eftir að Guðjón Pétur Lýðsson og Brynjólfur Darri Willumsson fengu rauð spjöld með stuttu millibili í síðari hálfleik.

„Blikar fengu góð færi en við nýttum okkar færi vel og náðum að refsa þeim. Það fór greinilega í taugarnar á Blikum og þeir misstu aðeins haus."

Jói Kalli nýtti viðtalið að leikslokum til að ræða um hvert hann telur íslenska boltann eiga að stefna. Viðtalið má sjá í spilaranum hér að ofan.