„Fyrri hálfleikur var ekki góður og ég var mjög vonsvikinn með hann. Við unnum ekki saman sem lið. Við vorum að hlaupa mikið en bara hver fyrir sig. Fyrri hálfleikur var vondur," sagði Erik Hamren, landsliðsþjálfari Íslands, við fjölmiðla eftir 4-2 tap gegn Albaníu í kvöld.

Lestu um leikinn: Albanía 4 -  2 Ísland

„Við vorum þéttari í síðari hálfleik, pressuðum saman og jöfnuðum 2-2. Á þeim kafla vorum við góðir. Við hefðum getað skorað fleiri mörk en þeir skoruðu 3-2 og við vorum smá óheppnir þar því boltinn fór í Kára. Eftir það opnaðist leikurinn og þeir fengu stór svæði."

Hamren var spurður út í þá ákvörðun að breyta í 4-5-1 í dag eftir að hafa spilað 4-4-2 gegn Moldóvum á laugardag.

„Við þurfum að meta við hvaða lið við erum að spila. Við vorum að spila á útivelli gegn liði sem er gott í að halda bolta. Við höfum oft spilað svona taktík áður. Þegar við mættum Moldóvu heima var þetta allt öðruvísi leikur."

Ísland er núna þremur stigum á eftir Frökkum og Tyrkjum þegar fjórar umferðir eru eftir. Tvö efstu liðin fara áfram á EM.

„Við þurfum að vinna marga leiki en kannski ekki fjóra. Það veltur auðvitað á öðrum úrslitum. Ef við vinnum þrjá af fjórum þá held ég að við förum áfram. Við erum ennþá emð þetta í okkar höndum. Við vildum þrjú stig hér en fengum þau ekki. Þetta er ekki gaman í dag en við eigum tvö verkefni eftir."

Hér að ofan má sjá viðtalið í heild sinni.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit