„Þetta var erfiður leikur. Auðvitað þegar við missum mann af velli svona snemma þurftum við að hlaupa extra mikið og sýndum gríðarlegan karakter að skora tvö mörk. Ég er auðvitað bara í skýjunum," sagði Kjartan Henry Finnbogason, leikmaður KR, eftir sigur gegn KA á Dalvíkurvelli í dag.
Kjartan kom inn á að KR lék manni færra í langan tíma, í um sjötíu mínútur. Hvað fannst honum um dóminn þegar Kristján Flóki fékk rautt spjald?
Kjartan kom inn á að KR lék manni færra í langan tíma, í um sjötíu mínútur. Hvað fannst honum um dóminn þegar Kristján Flóki fékk rautt spjald?
Lestu um leikinn: KA 1 - 2 KR
„Tvö gul og rautt, mér fannst þetta svolítið hart af því hann var búinn að fá gult fyrir að segja eitthvað sem dómaranum fannst leiðinlegt að heyra. Tuttugu sekúndum seinna fer hann í 50:50 bolta og nær boltanum. Æi, ég veit það ekki, mér er alveg sama, við unnum. Hann hefði kannski mátt taka sér nokkrar sekúndur í að hugsa málið en við sýndum karakter og unnum leikinn þannig það skipti ekki máli."
Kjartan lýsti marki sínu og kom inn á að markið hefði verið geggjað. Hann var að lokum spurður út í Theódór Elmar Bjarnason sem kom inn í KR-liðið í dag eftir sautján ár í atvinnumennsku. Elmar kom óvænt inn í byrjunarliðið því Kennie Chopart meiddist í upphitun.
„Hann spilaði 90 mínútur, ég átta mig ekki alveg á því hvernig það er hægt. Ég held hann sé búinn að vera í fríi í nokkrar vikur. Hann er gæi sem er ótrúlega gott að hafa og við auðvitað mjög góðir vinir. Ég er svona ennþá að átta mig á því að hann sé kominn til okkar. Hann á bara eftir að verða betri og styrkja okkur gríðarlega mikið," sagði Kjartan.
Viðtalið í heild má sjá í spilaranum hér að ofan.
Athugasemdir