Fótbolti.net

Venni: Get ekkert farið að sparka í ruslatunnur eða urðað yfir menn

Hemmi hafði ekki tíma í að einbeita sér að leiknum - „Það voru allir að biðja um skiptingu"

Liam Daði: Við stefnum á Laugardalsvöll og það er ekkert flókið

Karl Ágúst talar um hátt spennustig - „Allt undir á sunnudaginn"

Haraldur Freyr: Það er bara hálfleikur í þessu

Gunnar Heiðar um rauða spjald Diouck: Leiðinlegt að þurfa að fara í einhvern svona leik

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

lau 15. maí 2021 17:08

Hafliði Breiðfjörð

Hulda Hrund: Komin með nóg af útileikjum og langar í lautina

Hulda í leiknum gegn Breiðabliki á dögunum.

Mynd: Fótbolti.net - Hafliði Breiðfjörð

„Þetta hefði getað farið hvorum megin sem var en við nýttum bara ekki færin, þær fengu svo eitt úr föstu leikatriði," sagði Hulda Hrund Arnarsdóttir fyrirliði Fylkis eftir 1 - 0 tap gegn Val á Hlíðarenda í dag.

Lestu um leikinn: Valur 1 - 0 Fylkir

„Heilt yfir var þetta mjög flott, ég var ánægð með stelpurnar og við lögðum okkur allar í leikinn," sagði Hulda. Fylkir tapaði fyrsta leik gegn Breiðabliki 9 - 0 og svo var næsta leik gegn Tindastóli frestað. Var erfitt að bíða svona lengi eftir að fá að svara fyrir sig?

„Já, en sá leikur var bara búinn svo við stefndum þá bara að þessum sem var næsti leikur. Við förum inn í hvern leik og ætlum að gera okkar besta og við fórum ekkert inn í þann leik til að tapa 9-0," sagði hún.

Val er spáð efsta sætinu í sumar, var erfitt að mæta þeim í dag? „Þær eru fínar stelpur og bara alveg eins," sagði hún.

Næsti leikur Fylkis er gegn nýliðum Keflavíkur en það verður fyrsti heimaleikur Fylkis í sumar eftir að leiknum gegn Tindastóli var frestað.

„Það verður fínt, ef við hefðum fengið að spila leikinn við Tindastól þá hefðum við byrjað mótið á tveimur toppliðum og tveimur nýliðum. Það er alltaf erfitt að mæta Keflavíkurliðinu. Mig langar að fara í Lautina því ég er komin með nóg af útileikjum."