Fanndís var kampakát eftir leik þar sem Valskonur eru með níu fingur á titlinum þrátt fyrir að hafa ekki náð að tryggja hann á Kópavogsvelli í kvöld.
Lestu um leikinn: Breiðablik 1 - 1 Valur
Þú hlýtur að vera ánægð með þá stöðu sem þið eruð í?
„Já að sjálfssögðu en auðvitað er það svekkjandi að fá á sig mark þarna í lokin, en úr því sem komið var verður ágætt að tryggja þetta á Hlíðarenda.''
Verður einmitt ekki bara skemmtilegra að klára þetta á heimavelli eða hefði það kannski verið frekar súrsætt fyrir þog að klára þetta hérna?
„Ég er svo hissa að það hafi verið púað á mig þegar ég fór útaf að ég er bara í sjokki, það hefði kannski gert þetta skemmtilegra en jú ég held það sé skemmtilegra að klára þetta á Hlíðarenda.''
Þú hefur skorað nokkur mörk á þessum velli, en hefði Sonný mögulega átt að verja þetta?
„Nei mér fannst það ekki, þetta var frábært skot.''
Viðtalið í heild sinni má sjá í spilaranum hér að ofan en þar ræðir Fanndís meira um það að hafa verið púuð af velli, hvernig leikurinn spilaðist og hvort upplegið hafi gengið eftir.
Athugasemdir
