Agla María Albertsdóttir.
„Ég er ótrúlega spennt, get ekki beðið," sagði Agla María Albertsdóttir, fyrirliði Breiðabliks, þegar hún ræddi við Fótbolta.net um bikarúrslitaleikinn í gær.
Á morgun fer fram bikarúrslitaleikur Breiðabliks og FH á Laugardalsvelli. Þetta er fjórði bikarúrslitaleikur Blika í röð en liðið hefur tapað þremur í röð núna.
Á morgun fer fram bikarúrslitaleikur Breiðabliks og FH á Laugardalsvelli. Þetta er fjórði bikarúrslitaleikur Blika í röð en liðið hefur tapað þremur í röð núna.
Er ekki kominn tími á að taka bikarinn heim í Kópavog núna?
„Við höfum komið hérna og tapað seinustu þrjú ár. Það er ansi erfitt. Við erum klárar í að fara alla leið í ár," sagði Agla María.
„Við snerum tapinu í fyrra upp í jákvætt með því að taka deildina. Það er alltaf ógeðslega gaman að spila hérna. Það er asnalegt að fara inn í leikinn og vera ekki með það markmið að vinna. Við munum að sjálfsögðu reyna að vinna en berum á sama tíma virðingu fyrir FH-ingum."
Blikar eru á toppnum í Bestu deildinni og eru núna í bikarúrslitum líka. Hópurinn er gríðarlega sterkur og vel mannaður, en það er hausverkur fyrir þjálfarann að velja liðið fyrir hvern leik.
„Klárt mál. Við erum með valda leikmenn í hverri stöðu og einn leikmenn sem eru að koma inn af bekknum. Það eru ekki öll lið sem búa við þann lúxus en það mun klárlega reynast okkur dýrmætt á laugardaginn að vera með þessa miklu breidd."
Allt viðtalið má sjá í spilaranum hér að ofan.
