Fótbolti.net

Atvinnumaðurinn Logi Tómasson - Þriðji hluti

Atvinnumaðurinn Logi Tómasson - Annar hluti

Atvinnumaðurinn Logi Tómasson - Fyrsti hluti

Fékk Skagaelítuna á bakið - „Eflaust brotið einhver hjörtu hefði ég ekki komið“

Tekur við eftir að leikmenn neituðu að spila fyrir félagið

Lítur fyrst og fremst á sig sem Norðmann - „Mig langar bara að vinna"

Siggi Lár: Ætla ekki ræða einhver ákvæði í samningnum núna

Valdi Keflavík fram yfir ÍBV - „Þykir rosalega vænt um fólk í Eyjum“

Gummi Magg: Sá fyrir mér öðruvísi endi með uppeldisfélaginu

Fótbolta nördinn - Fótbolti.net vs Fylkir

„Myndi ekki vilja fara aftur upp á geðheilsuna“

17 ára á toppnum í Danmörku - „Finnst ég vera á sama getustigi ef ekki betri“

Ísak Andri tók fund með meisturunum - „Skoða alla möguleika núna í janúar“

Fótbolta nördinn - Draumaliðið vs KR

Kristall Máni: Hef alltaf vitað að fótboltahæfileikarnir hverfa ekki

Jóladagatalið: Stólar fullir af hálfvitum

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

fös 15. ágúst 2025 10:30

Guðmundur Aðalsteinn Ásgeirsson
Laugardalsvelli

FH aldrei verið í þessum sporum áður - „Vonandi verður Nik í stuði"

Guðni hér fyrir miðju.

Mynd: Fótbolti.net - Hafliði Breiðfjörð

FH er að fara í sinn fyrsta bikarúrslitaleik í kvennaflokki.

Mynd: Fótbolti.net - J.L.

„Mér líður stórkostlega maður. Gaman að fá að upplifa þetta með liðinu sínu og gaman að geta gefið stuðningsmönnum FH bikarúrslitaleik," sagði Guðni Eiríksson, þjálfari FH, þegar hann ræddi við Fótbolta.net fyrir bikarúrslitaleikinn sem fer fram núna á morgun, laugardag.

FH mætir Breiðabliki í gríðarlega áhugaverðum leik á Laugardalsvelli klukkan 16:00 á morgun. Þarna eru tvö bestu lið landsins í augnablikinu að mætast.

Þetta er í fyrsta sinn þar sem kvennalið FH fer í bikarúrslitaleikinn, stór stund fyrir félagið.

„Klúbburinn er stofnaður 1929 og það er 2025 í dag. Við höfum aldrei verið í þessum sporum í kvennaboltanum. Þetta gerist ekki á hverjum degi. Við ætlum að njóta þess að vera í bikarúrslitaleik á sama tíma og við erum fókuseruð og einbeitt á það verkefni að taka bikarinn."

Guðni og bróðir hans hafa lengi stýrt FH liðinu og verið á ákveðinni vegferð með það. Er þetta toppurinn hingað til?

„Þetta er einn af mörgum toppum. Maður finnur að þetta er ærið verkefni og stór leikur. Umgjörðin er mikil. Að fá að spila hér á Laugardalsvelli eru forréttindi og það eru jafnframt forréttindi að fá að stýra FH á laugardaginn. Það er ekkert nema auðmýkt hjá mér."

FH og Breiðablik eru þau lið sem hafa skorað flest mörk í Bestu deildinni í sumar, en FH er eina liðið sem hefur lagt Blika að velli á þessu tímabili.

„Ég ætla að vona það," sagði Guðni aðspurður að því hvort það mætti búast við markaleik. „Ég þoli ekki leiðinlega 0-0 leiki. Vonandi verður Nik í stuði og leyfir sóknarbolta. Þá verðum við í svaka stuði og fullt af mörkum."

Hægt er að hlusta á allt viðtalið í spilaranum hér að ofan.