Fótbolti.net

Hákon Arnar: Vona að Messi spili

Gylfi um skilaréttsmálið: Meira en ánægður að hafa skipt

Aron Einar: Get staðfest að ég verð ekki áfram í Al-Gharafa

Sædís Rún: Á okkar degi getum við náð stigum af öllum liðum

Gagnrýnir nýju reglurnar harðlega - „Alveg skelfilegt ef ég á að vera hreinskilin“

Katla Tryggva fyrir Spánarleikinn: Það er alveg hægt að stríða þeim

Hödda langaði að fagna eins og Auðun gegn Haukum - „Allir á bekknum brjálaðir að hann hefði skotið"

Breki Þór: Gott í bankann

Elfar Árni: Það þýðir ekkert að fara að vorkenna sér

Badu: Við sýndum í dag að við erum með góðan hóp

Gunnar Már: Við munum ekki geta hvílt leikmenn

Viðar Örn: Ég hlakka mikið til að spila með honum í næstu leikjum

Óli Flóvents: Þetta mál er að baki

Venni: Þurfum að höndla það betur en síðast

Heimir Guðjóns: Þurfum að finna lausnir

Siggi Lár: Gaman að vera í Laugardalnum

Horfðu á Besta spjallið - Staða mála skoðuð í landsleikjahlénu

Pablo Punyed sáttur: Vona að ég sjálfur geti spilað minna og minna í sumar

Gaui Lýðs um uppganginn á Ásvöllum: Setjum stefnuna á að komast í efstu deild

Nemanja Pjevic: Þegar maður bíður eftir strætó koma þeir allt í einu þrír í einu

mán 17. maí 2021 22:21

Stefán Marteinn Ólafsson

Ágúst Eðvald: Er að njóta mín í botn hérna hjá FH

Ágúst Eðvald Hlynsson var á eldi í kvöld.

Mynd: Fótbolti.net - Hafliði Breiðfjörð

FH heimsótti HK í Kórnum í kvöld þegar fjórða umferð Pepsi Max deildar karla lauk.

Jafnræði var með liðunum lengst af en það var Ágúst Eðvald Hlynsson sem skildi á milli. Hann skoraði tvö fyrstu mök FH og lagði upp það síðasta fyrir Steven Lennon.

„Ótrúlega sáttur með að hafa landað þessum þremur punktum og bara mjög ánægður," sagði maður leiksins eftir leikinn í kvöld.

Lestu um leikinn: HK 1 - 3 FH

Ágúst var potturinn og pannan í sóknarleik FH í þessum leik en hann, eins og áður sagði, kom að öllum mörkum FH í leiknum.

„Mér fannst ég bara hjálpa liðinu mikið í dag, bæði með bolta og án bolta og alltaf gaman að geta skorað og hjálpað liðinu að landa þremum punktum."

Ágúst skoraði bæði tímabilið 2019 og 2020 fjögur mörk í deildinni og er núna búin að jafna þann árangur eftir aðeins fjóra leiki.

„Æfði mjög vel í Danmörku og er að bæta mig þvílíkt sem fótboltamaður og vonandi getur maður haldið áfram að hjálpa liðinu svona."

Aðspurður um muninn á hlutverki sínu hjá FH og hlutverkinu sem hann hafði hjá Víkingum hafði Ágúst þetta að segja.
„Já ég myndi segja að ég væri töluvert ofar og kannski aðeins frjálsara hlutverk án bolta en annars ekker svo rosalega öðruvísi."

Ágúst er á láni frá Horsens út júní mánuð en ekkert hefur verið rætt um möguleika á áframhaldi.
„Það er svo sem ekkert mitt að stjórna því hvort ég verði áfram eða ekki, það er bara Horsens sem stjórnar því hvort ég verði áfram eða ekki þannig ég ræð ekki neitt."

Ef staðan kæmi upp að honum yrði boðið að klára tímabilið með FH segist Ágúst alveg hafa áhuga á því.
„Já ég held það, eins og staðan er núna er ég að njóta mín í botn hérna hjá FH og vonandi get ég klárað tímabilið með þeim."

Nánar er rætt við Ágúst Eðvald í spilaranum hér fyrir ofan