Það var svakaleg dramatík í bikarleik Stjörnunnar og KA. Allt stefndi í framlengingu en í blálokin skoraði Elfar Árni Aðalsteinsson sigurmark leiksins. Markið átti ekki að standa en boltinn var greinilega farinn út af þegar hann var lagður á Elfar.
Brynjar Gauti Guðjónsson, varnarmaður Stjörnunnar, trúði ekki sínum eigin augum þegar Erlendur Eiríksson dómari og hans menn létu markið standa.
Brynjar Gauti Guðjónsson, varnarmaður Stjörnunnar, trúði ekki sínum eigin augum þegar Erlendur Eiríksson dómari og hans menn létu markið standa.
Lestu um leikinn: Stjarnan 1 - 2 KA
„Ég veit ekki hvað maður á að segja. Þetta er eitt það skrítnasta sem ég hef lent í inni á fótboltavelli. Allir og ömmur þeirra á vellinum sáu að boltinn var farinn út af. Allir nema blessaða þriðja liðið í þessum leik," sagði Brynjar eftir leik.
„Þetta er hrikalega dýrt fyrir okkur. Boltinn var kominn 30-40 sentimetra út fyrir, þetta var ekkert vafaatriði. Elfar Árni ákveður að dangla fætinum í hann upp á von og óvon held ég."
„Við getum líka sjálfum okkur um kennt. Við erum verðskuldað yfir þegar það eru 85 á klukkunni. Þeir jöfnuðu eftir að við höfðum fín tök á þessum leik og þeir ekkert að skapa sér. Við getum líka verið svekktir út í okkur sjálfa. Þetta sumar heldur áfram að gefa."
Horfðu á viðtalið í heild sinni í sjónvarpinu hér að ofan.
Athugasemdir