Í kvöld mættust Breiðablik og KA í Pepsi-Max deild karla þar sem leikar enduðu með 1-1 jafntefli eftir mörk frá Sveini Margeiri Haukssyni og Viktori Karli Einarssyni.
"Gífurlega svekktur, við hefðum viljað þrjú stig og við sköpuðum okkur færi til að fá 3 stig en þetta er bara svona sagan hjá okkur í sumar sem er vonbrigði að við séum að "dominera" leikina og svo endar þetta bara í jafntefli"
"Gífurlega svekktur, við hefðum viljað þrjú stig og við sköpuðum okkur færi til að fá 3 stig en þetta er bara svona sagan hjá okkur í sumar sem er vonbrigði að við séum að "dominera" leikina og svo endar þetta bara í jafntefli"
Lestu um leikinn: Breiðablik 1 - 1 KA
Blikar voru mun meira með boltann í kvöld og voru að koma sér í mikið af góðum stöðum en náðu ekki að skora, hefur Oliver útskýringar á þessu?
"Ég hef mínar skoðanir en það sem er mikilvægast er að við séum að fylgja planinu hjá þjálfaranum og hans skoðanir og aðferðir eru mjög góðar og eiga að vera nógu góðar til þess að vinna leiki, skýringarnar eru bara þannig að við erum ekki að ná að skjóta boltanum í markið eða við erum ekki að skapa okkur nógu hættuleg færi til þess að vinna leikina en við sköpum alveg nóg til að vinna í dag og það eru ógeðslega mikil vonbrigði"
Það hefur verið talað um í fjölmiðlum um að það sé búið að vera léttara yfir liðinu eftir sigurinn gegn Stjörnuni, er Oliver sammála því?
"Nei í rauninni ekki sko því það hefur verið létt yfir okkur leikmönnunum, hópurinn mjög góður þannig ég er ekki alveg sammála þeirri umræðu en ég get verið sammála því að við erum einhvern veginn peppaðari inn á vellinum og glaðari á vellinum og það er meiri leikgleði því við viljum vinna fyrir hvorn annan"
Viðtalið má sjá í heild sinni hér fyrir ofan.
