„Það var bara geggjað sko. Ég hélt að þetta yrði sigurmark sem hefði gert þetta ennþá skemmtilegra en annað kom á daginn," sagði Guðmundur Steinn leikmaður KA eftir 2-2 jafntefli á móti Breiðablik á Greifavellinum í dag.
Lestu um leikinn: KA 2 - 2 Breiðablik
Guðmundur tók víti fyrir KA á 90 mínútu sem leit út fyrir að vera sigurmarkið.
„Tilfinning var bara mjög góð að taka þetta víti. Það gerði þetta bara skemmtilegra að þetta var á 90 mínútu. Það er gott að taka víti þegar það er mikið undir."
Guðmundur kom til KA fyrir tímabilið.
„Ég kann mjög vel við mig hingað til. Búið að vera gaman. Við erum auðvitað að leita að fyrsta sigrinum ennþá í deildinni þannig það er eitthvað sem við þurfum að vinna að en allt í kringum klúbbinn og strákana er flott."
Greifavöllurinn hefur mikið verið til umræðu.
„Það er gaman þegar það myndast stemmning á Greifavellinum og það hefur verið í þessum tveimur heimaleikjum. Mikið af fólki í stúkunni og skemmtilegt en það er rétt að völlurinn er krefjandi. Það kemur niður á því sem er að gerast inn á vellinum en aftur á móti eru þeir að vinna vel í honum og gera gott. Ég treysti þeim til að halda honum góðum."
KA á leik við Fylkir á útivelli í næstu umferð.
„Þeir eru á fínu runi og sprækir þannig við vitum alveg. Allir leikir eru erfiðir og við getum ekki farið að ætlast til neins þannig við mætum tilbúnir til leiks."
Viðtalið í heild má sjá hér að ofan.
Athugasemdir
