Dagný Brynjarsdóttir var með sérstaka grímu í kvöld í 6-0 sigrinum á Lettum í kvöld en hún virðist veita lukku því Dagný komst á blað.

Lestu um leikinn: Lettland 0 -  6 Ísland

Ísland átti ekki í miklum erfiðleikum með Lettland og situr nú með fullt hús stiga úr fyrstu þremur leikjunum ásamt Svíum.

Dagný skoraði með skalla í leiknum en hún er með grímu vegna nefbrots sem átti sér stað í leik með Portland Thorns fyrir aðeins átta dögum síðan.

„Ánægjulegt fyrst og fremst að fá þrjú stig og gott að setja sex mörk. VIð erum ekki búnar að skora það mikið í undankeppninni eða ágætlega mikið bara," sagði Dagný.

„Við vissum alveg hvað við vorum að fara út í og vissum að þær myndu liggja í grasinu. Þetta var þolinmæðisvinna og þurftum að halda haus oft á tíðum."

Dagný skoraði nánast með grímunni en færið var of gott til að skalla hann ekki.

„Það er þægilegt. Ég viðurkenni að þetta er ekki það þægilegasta en hlakka til að losna við hana. Það styttist en þetta var of góður bolti til að skalla hann ekki. Ég vissi að ég gat skallað hann þó ég væri ekki að fara upp í jafn mikið af skallaboltum og ég hefði getað gert og það eru bara átta dagar síðan ég nefbrotnaði og óþarfi að rífa upp brotið aftur."

„Þrír sigurleikir og nú er að halda áfram. Það var mikilvægt að klára landsliðsárið vel. Næsta landsliðsverkefnið er ekki fyrr en á Algarve og gott að enda þetta svona," sagði hún í lokin.

Tweet

Senda a Facebook Hafdu samband Senda frétt Prenta frétt Frétta leit